Lajme
Dy të vdekur dhe katër të plagosur rëndë nga rrëzimi i skeleve në Lozanë
Në total, rreth dymbëdhjetë persona janë plagosur, thotë një zëdhënës i policisë kantonale të Vaud në vendin e aksidentit. Bilanci nuk është ende përfundimtar
![](https://www.albinfo.ch/wp-content/uploads/2024/07/skelet-lozane-587x353.jpg)
Dy persona vdiqën pas shembjes së pjesshme të një skeleje ndërtimi në Prilly, afër Lozanës ( VD). Të paktën katër persona janë plagosur rëndë dhe disa të tjerë kanë pësuar lëndime mesatare dhe të lehta, transmeton albinfo.ch
Në total, rreth dymbëdhjetë persona janë plagosur, thotë një zëdhënës i policisë kantonale të Vaud në vendin e aksidentit. Bilanci nuk është ende përfundimtar.
Aksidenti ndodhi në kantierin “Malley Phare” në Prilly VD, në perëndim të Lozanës. Ky projekt ndërtimi synon të shtojë një ndërtesë të lartë prej druri në pjesën perëndimore të qendrës tregtare Malley Lumières, shkruan srf.ch. Në total, ndërtesa është 19 kate ose pothuajse 60 metra e lartë, tha zëdhënësi i policisë. Policia ka rrethuar një zonë të madhe rreth objektit.
Disa dëshmitarë i thanë agjencisë së lajmeve Keystone-SDA se një ashensor i materialit ndërtimor ka rënë dhe ka rrëzuar të gjitha skelet në anën veriore të ndërtesës. Autoritetet nuk kanë dhënë ende asnjë informacion për shkakun apo rrjedhën e saktë të aksidentit.
Vendi i ndërtimit ndodhet pranë Vaudoise Arena, stadiumi i HC Lozanne, i cili ishte i mbyllur për publikun, përcjell albinfo.ch. Në vend të kësaj, aty u trajtuan të lënduar dhe persona që kishin pësuar tronditje.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë