Shqipëria
Durrësi këtë vit shënoi sezonin më të mirë turistik në historinë e tij
![](https://www.albinfo.ch/wp-content/uploads/2023/09/durres-587x330.jpg)
Durrësi zyrtarisht ka mbi 11 mijë e 500 shtretër të deklaruar dhe mbetet kryeqendra e turizmit në Shqipëri.
Kjo për shkak të vijës së gjatë bregdetare dhe njësive të shumta akomoduese.
“Sezoni turistik i verës 2023 konsiderohet si një ndër sezonet më të suksesshme përsa i përket historikut të turizmit në territorin e Durrësit”, shprehet specialisti i turizmit në Prefekturën e Durrësit, Oltsen Gripshi, për Top Channel.
Kështu, Durrësi ka rritur të ardhurat në buxhetin lokal.
“Me siguri që ndryshon taksa nga vija e parë e detit dhe në territorin e brendshëm të qarkut, e cila varion nga 3500 lekë për dhomë në zonën e vijës së parë dhe deri në 1400 lekë të vjetra, në pjesën e brendshme të territorit”, u shpreh Gripshi, përcjell albinfo.ch.
Numri i turistëve mbetet i lartë edhe këtë vjeshtë.
“Është një vend i bukur, me njerëz të këndshëm dhe është ende nxehtë. Jam nga Holanda. Vite më parë nuk mund ta mendoje të vije në Shqipëri për shkak të regjimit komunist. Një vend totalisht i mbyllur. Ndaj mbetet një vend tepër tërheqës dhe joshës. Në një pjesë të ndërtesave gjen ende dëshmi të kohës, po duhen menaxhuar, ruajtur më mirë”, u shpreh një turist holandez për Top Channel.
Durrësi po merr masa për uljen e informalitetit në sektorin e turizmit dhe rritjen e sigurisë.
“Tentativa dhe pa dyshim politikat janë të atilla për të mirorganizuar edhe në sezonin e ardhshëm 2024, për të cilën kanë filluar edhe në këto ditë përgatitjet për një sezon shumë më të suksesshëm”, tha Gripshi.
Turistë nga e gjithë bota vizituan dhe vijojnë të pushojnë buzë Adriatikut, duke shijuar gjithçka që ofron qarku i Durrësit përgjatë gjithë vitit, përcjell albinfo.ch.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë