Muzikë

VIDEO: Dua Lipa flet për rëndësinë e veprës së Ismail Kadaresë në jetën e saj

E mërkurë, 19 Tetor 2022 - 12:20 albinfo.ch
(Photo by Vianney Le Caer/Invision/AP)

Në “Booker Prize 2022” event i ndrarjes së çmimeve, Dua Lipa ka mbajtur në fjalim ku ka vlerësuar letërsinë në përgjithësi, si dhe shkrimtarin Ismail Kadare, veçanërisht veprën e tij, “Kështjella”, përcjell albinfo.ch.

“Kur kam qenë e re, familja ime vendosi të kthehej në Kosovë. Leximi i librave si “Kështjella” nga Ismail Kadare, testoi aftësitë e mia gjuhësore dhe më ndihmoi të lidhesha me prejardhjen e familjes dhe identitetin si shqiptare e Kosovës”, theksoi këngëtarja.

“Përmes Kadaresë mësova për shpirtin rezistues të shqiptarëve që e mban akoma Kosovën, duke luftuar për njohjen e pavarësisë së saj”, shtoi ajo.

Dua u shpreh se letërisa dhe leximi i një libri janë ndër kënaqësitë më të thella në botë dhe se një vepër e mirë i bën njerëzit të ndihen mirë.

“Është një nder i madh të jesh në mesin e disa prej mendjeve letrare më të mëdha të botës për të folur për një nga kënaqësitë më të thella në botë: leximin e një libri. Leximi është një pasion që ka marrë shumë forma për mua. Ashtu si shumë fëmijë të tjerë të shkollës londineze, fiksimet e mia të hershme përfshinin Roald Dahl dhe Malorie Blackman, të cilët të 2 më dhanë perla të vogla urtësie që më udhëheqin edhe sot”, u shpreh ajo, duke theksuar se kur rrëmbehet nga angazhimet e tureve dhe jeta e tensionuar, e gjen qetësinë dhe “mbijetesën” te librat.

Çmimin kryesor të “Booker Prize 2022” e mori autori nga Sri Lanka, Shehan Karunatilaka me romanin e tij “The Seven Moons of Maali Almeida”.

Në event, Dua Lipa takoi edhe Camilla-n, bashkëshorten mbretëreshë të mbretit Charles III.

 

 Të tjera nga Muzikë

Një yll në ngritje: Fiona, sopranoja e verbër, me zë brilant

 E-Diaspora

 Jeta në Zvicër