Kosova
“Dritarja për Investime të Diasporës” parashihet të arrijë deri në 100 milionë euro
Kurti për Dritaren e Investimeve të Diasporës: Parashihen investime deri në 100 milionë
![](https://www.albinfo.ch/wp-content/uploads/2024/07/23123-587x330.jpg)
Mësohet se deri në 100 milionë euro parashihet të arrijë e tërë “Dritarja për Investime të Diasporës”. Ndërsa përmes kësaj do të mundësohet garantimi i kredive investuese deri në 3 milionë euro. E gjithë kjo ka për qëllim tërheqjen e investimeve nga diaspora, përcjell albinfo.ch.
https://www.facebook.com/reel/1418870616170817?fs=e&s=TIeQ9V&mibextid=0NULKw
Në ngjarjen lansuese të kësaj dritare, kryeministri i vendit, Albin Kurti, ka thënë se me këtë hap do të mundësohet garantimi i kredive investuese deri në 3 milionë euro, ndërsa sipas tij, e tërë dritarja parashihet të arrijë deri në 100 milionë euro.
“Do të mundësohet garantimi i kredive investuese deri në 3 milionë euro, ndërsa e tërë dritarja parashihet të arrijë deri në 100 milionë euro. Kemi shumë raste ku bashkatdhetarët tanë po kthehen për të investuar në Kosovë, për të punuar këtu, sepse Kosova ofron kushte të mirë”, tha Kurti.
Ministri i Financave, Hekuran Murati, ka theksuar se përmes kësaj dritare do të mundësohet rritja e investimeve të diasporës.
https://www.facebook.com/share/v/gkzXGDZoBqTxyGMG/?mibextid=KsPBc6
“Po e lansojmë një dritare të re që do të mundësojë rritjen e investimeve të diasporës tonë. Ideja ka qenë të zgjidhet një problem që është për ndërmarrësit tonë që jetojnë në diasporë dhe dëshirojnë të investojnë këtu…Të krijohet një dritare e re, përmes së cilës Fondi për Garanci Kreditore, i mbështetur edhe nga qeveria, të mundësojë garantimin e këtyre kredive dhe përmes kësaj të zvogëlohet rrisku”, tha Murati.
Ambasadori i SHBA-së në Kosovë, Jeffrey Hovenier, derisa është shprehur i lumtur me themelimin e kësaj dritareje, ka thënë se kur ndërmarrësit nga diaspora kthehen në vend, sjellin më të mirën këtu.
“Qeveria amerikane është krenare që ka ndihmuar në themelimin e këtij programi të ri, sepse kuptojmë mundësinë e rrallë që bizneset nga diaspora prezantojnë. Kur ndërmarrësit nga diaspora kthehen në vend, sjellin më të mirën këtu…Me çeljen e kësaj platofrme, shpresojmë të mbështesim më shumë rrëfime suksesi si kjo, krijohen vende të reja të punës”, tha ai.
Drejtori Menaxhues i Fondit Kosovar për Garanci Kreditore, Besnik Berisha, ka thënë se kontributi i diasporës në vend është jashtëzakonisht i madh.
Dritarja për investime të diasporës është një skemë e re e ndarjes së rrezikut nga FKGK-ja për garantimin e kredive për t’u ofruar investitorëve të diasporës qasje në kredi për projektet e tyre investuese në Kosovë. Programi i ri i garancisë do të promovojë rritjen e fluksit të kapitalit privat të diasporës në Kosovë, duke tërhequr investime të reja drejt themelimit të ndërmarrjeve të reja sipërmarrëse ose fuqizimit të bizneseve të sapokrijuara nga diaspora. /kp/
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë