Integrimi
“Drita” e Kreuzlingenit shënon 20-vjetorin e themelimit
Ansambli i këngëve dhe valleve Drita në Kreuzlingen ka shënua vitin e 20 jubilar në një prani të madhe të musafirëve.
![](https://www.albinfo.ch/wp-content/uploads/2022/09/3.jpg)
Diaspora shqiptare e Zvicrës shquhet për një traditë të gjatë të organizimeve e shoqatave që mbajnë gjallë mërgatën dhe kryesisht fëmijët me aktivitete kulturore që kanë për qëllim ruajtjen e kulturës shqiptare.
Pas një periudhe të gjatë pune e sakrifice, sot nuk janë të pakta shoqatat e mërgatës shqiptare që festojnë dekadën e dytë e tretë të themelimit me fëmijë që janë rritur nëpër këto shoqata.
Kështu të dielën ka festuar dekadën e dytë të themelimit ansambli i këngëve dhe valleve “Drita” me seli në Kreuzlingen, nën drejtimin e kryetarit Haradin Gashi, i cili ka ka prezantuar një monografi të punës 2o-vjeçare. Ai në një fjalë rasti ka përshëndetur të pranishmit, duke evokuar kujtime nga e kaluara dhe puna vullnetare e shumë bashkatdhetarëve për të mbajtur gjallë ansamblin “Drita”, e cila për shumë familje shqiptare ka qenë një Kosovë e vogël për t’i mbajtur lidhjet e fëmijëve të tyre me vendin e prejardhjes.
Para një numri të shumtë të pranishmëve një fjalë rasti kanë mbajtur edhe përfaqësueset e Konsullatës së Kosovës në Cyrih, Shukrije Ramdani dhe Bahrije Sylejmani. Musafirët i ka përshëndetur edhe ikona e muzikës sonë, Shkurte Fejza, Nikoll Nikprela dhe të tjerë.
Kryetari i “Dritës”, Haradin Gashi, ka ndarë mirënjohje për shumë personalitete e kontribues të shoqatës që ishin të pranishëm në këtë manifestim.
Ansambli “Drita” ka shfaqur një program të pasur me këngë e valle, përderisa ushqime e specialitete nga kuzhina jonë janë shërbyer me bollëk.
![](https://www.albinfo.ch/wp-content/uploads/2022/09/5.jpg)
![](https://www.albinfo.ch/wp-content/uploads/2022/09/1-1.jpg)
Të tjera nga Integrimi
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë