Kosova
15 vjet burgim ndaj të akuzuarit për pjesëmarrje në masakrën e Izbicës
![](https://www.albinfo.ch/wp-content/uploads/2024/03/masakrat-587x299.jpg)
Gjykata Themelore në Prishtinë e ka dënuar me 15 vjet burgim Muhamet Alidemajn të premten, pasi e shpalli fajtor për pjesëmarrje në kryerjen e masakrës së Izbicës, ku forcat serbe vranë mbi 130 njerëz në luftën e vitit 1998-’99.
“I akuzuari M.A., me dashje dhe në bashkëkryerje me pjesëtarë të forcave policore dhe ushtarake serbe, shkeli rëndë rregullat e së drejtës ndërkombëtare gjatë kohës së luftës kundër popullsisë civile dhe pasurisë së tyre”, tha gjykata në një njoftim të premten.
Në masakrën e Izbicës – fshat në Skenderaj në veriperëndim të Prishtinës, forcat serbe i vranë mbi 130 shqiptarë, në mars të vitit 1999.
Alidemaj u arrestua në mars të vitit 2021 dhe prej atëherë është mbajtur në paraburgim. Koha e kaluar në paraburgim do t’i llogaritet në vuajtjen e dënimit me burgim.
Alidemaj, së bashku me forcat ushtarake dhe policore serbe, i ndanë gratë dhe fëmijët nën moshën 12-vjeçare nga turma dhe nën kërcënimin e armëve i detyruan të shkojnë në drejtim të Shqipërisë, ndërsa burrat e mbetur i ekzekutuan me armë automatike, duke i vrarë 130 njerëz në Izbicë në mars 1999, tha gjykata.
Ai u shpall fajtor edhe për pjesëmarrje në trajtim çnjerëzor, cenim të integritetit trupor dhe të shëndetit, zhvendosje, grabitje dhe shkatërrim të pasurisë civile.
Alidemaj – i cili është shtetas i Serbisë i nacionalitetit shqiptar – i ka mohuar akuzat.
Ai ka të drejtë të ankohet ndaj dënimit me burgim.
Gjatë luftës së fundit në Kosovë më 1998-’99 u vrarë më shumë se 13.000 civilë dhe mijëra të tjerë u zhdukën.
Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë./REL
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë