Në Gjermani nuk ka një rregull kombëtar për përdorimin e telefonave në shkolla; çdo land vendos vetë. Në Baden-Württemberg po kërkohen rregulla më të rrepta për të mbrojtur nxënësit nga efektet negative të telefonave, si shpërqendrimi, problemet me të mësuarin dhe ndikimi në shëndetin mendor.

Disa lande, si Bavaria, lejojnë që telefonat të mbahen në çantë, por duhet të jenë të fikur gjatë gjithë ditës. Në të gjitha shkollat është e ndaluar përdorimi i tyre gjatë orëve të mësimit dhe provimeve, përcjell albinfo.ch.

Mësuesit mund t’i konfiskojnë telefonat kur nxënësit thyejnë rregullat, por nuk kanë të drejtë të kontrollojnë përmbajtjen e tyre. Nxënësit nuk lejohen të bëjnë foto apo video pa leje, pasi kjo mund të çojë në masa disiplinore apo edhe ndjekje ligjore.