Kosova
Cilat ishin planet e grupit terrorist në veri?
![](https://www.albinfo.ch/wp-content/uploads/2023/09/383000813_652396197077962_7744944185987353484_n-587x331.jpg)
Për situatën aktuale në veri të Kosovës dhe cili ishte grupi që sulmoi policinë e Kosovës, ka folir sot Kreshnik Ahmeti, zëvendësministër i Jashtëm i Kosovës.
“Situata është e qetë dhe nën kontroll të policisë së Republikës së Kosovës. Operacioni vazhdon në kuptimin e terroristëve të tjerë dhe gjetjen e armatimeve të shumta. Ajo që u paraqit sot nga policia e Kosovës ishte vetëm armatimi që është gjetur dje, ndërsa ditën e sotme është gjetur sasi tjetër e madhe armatimesh, si dhe është gjetur edhe trupi i terroristit të katërt. Ky ishte një grup kriminal, terrorist, i organizuar mirë. Ata kishin plane të përgatitura prej kohësh. Një pjesë e të arrestuarve dhe të vrarëve ishin pjesë e të ashtuquajturës Mbrojtja Civile, organizatë e shpallur terroriste nga qeveria e Kosovës. Kjo organizatë ka mbështetje politike, logjistike, financiare dhe të çfarëdolloji nga regjimi i Vuçiqit. Ajo që ndodhi të dielën në Kosovë ishte një sulm nga shteti i Serbisë brenda Republikës së Kosovës”, tha Ahmeti për A2.
“Ky nuk është sulmi i parë i organizuar nga këto struktura. Rast i ngjashëm ishte edhe ndaj forcave të NATO-s, por edhe ndaj qytetarëve serbë kur konvertonin targat. Nuk kemi të bëjmë me një kryengritje të qytetarëve, por me grupe të organizuara nga shteti i Serbisë, të cilët marrin trajnime në jug të Serbisë, në bazat e Rashkës”, tha zëvendësministri i Jashtëm i Kosovës
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë