Challandes: Sekreti i suksesit të Kosovës është ekipi i saj

Personaliteti ynë i vitit, Bernard Challandes ka besim të madh në Kombëtaren e Kosovës. Ai thotë se skuadra po përparon dhe do të jetë konkurruese për ndeshjet e barazhit për Euro 2020

Kur ne kishim intervistuar trajnerin e Kosovës Bernard Challandes në prag të ndeshjes vëllazërore mes Kosovës e Shqipërisë në maj të vitit 2018, ai me atë lojë po fillonte serinë e gjatë të fitoreve e sukseseve me Kosovën. Për të na mbajtur kështu gjallë shpresat e kualifikimit të Kosovës në Europian fillimisht duke fituar Ligën e Kombeve dhe pastaj duke dalë e treta në një grup të fortë ndaj ekipeve si Anglia, Çekia e të tjera.

Duke qenë fituese e Ligës së Kombeve, Kosova ka ende gjasa reale për kualifikim. Prandaj, nëse intervista e parë për albinfo.ch ka qenë një pikë kthese e fatit për rrugën e  gjatë të sukseseve të kombëtares së Kosovës, kjo e dyta, duke shpallur Bernard Challandss-in nga Albinfo.ch Personalitet të Vitit 2019, presim të jetë pikëkthesa e dytë. Ajo që do të prijë drejt fitores se Kosovës ndaj Maqedonisë së Veriut dhe ekipit tjetër, me çka kombëtarja e Kosovës do të kualifikohej në Euro2020.

Personaliteti ynë i vitit, Challandes ka besim të madh. Ai thotë se skuadra po përparon dhe do të jetë konkurruese në ndeshjet e barazhit për Euro 2020.

Albinfo.ch: Albinfo.ch: Ju e mbyllni vitin 2019 me nëntë ndeshje, tetë prej të cilave ishin për kualifikueset e Kampionatit Evropian dhe një ndeshje miqësore. Me katër fitore, dy ndeshje me barazim dhe vetëm tri humbje, Kosova është ngritur në vendin e tretë, pas Anglisë dhe Republikës Çeke, por mbi Bullgarinë dhe Malin e Zi. A është kjo maksimumi që Kosova mund të kishte arritur?

Bernard Challandes: Ne gjithmonë mund të bëjmë më mirë, por marrja e 4 pikëve ndaj Bullgarisë dhe Malit të Zi, pikët e përbashkëta me Republikën Çeke mund të konsiderohen një sukses. Anglia, nga ana tjetër, ishte shumë e fortë. Mund të themi se kjo fushatë ishte e shkëlqyeshme dhe t`i urojmë lojtarët.

Albinfo.ch: Kur ju intervistuam vitin e kaluar, para ndeshjes Kosovë-Shqipëri, ju thatë që Kosova ka lojtarë të rinj, se duhet të ndërtoni një ekip dhe se nuk e keni mendjen te rezultatet e kualifikimit për Ligën e Kombeve. Tani që keni mbyllur fazën kualifikuese në vendin e tretë dhe si fitues të Ligës së Kombeve, do të ndesheni në mars  2020 me Maqedoninë e Veriut. Pra, ku është ndërtimi i një ekipi kombëtar të Kosovës dhe a është gati ky ekip të kualifikohet?

Bernard Challandes: Ndërtimi i ekipit po vazhdon, skuadra po përparon dhe do të jetë konkurruese për barazhet për Euro 2020.

 

Albinfo.ch: Si keni arritur të bëni një “Nati” kosovar nga një ekip të thuash jo-ekzistues më parë, një ekip nga i cili kombet e mëdha si Çekia dhe Anglia kishin frikë sikur nga një rival i vërtetë. Cili është sekreti juaj?

Bernard Challandes: Nuk ka sekret, është puna kolektive e të gjithë lojtarëve në fazën mbrojtëse dhe ofensive që jep rezultatet. Lojtarët e kanë kuptuar mirë, ata punojnë së bashku dhe pasi kanë cilësi, kjo krijon një ekip që di ta mbajë rrugën.

Albinfo.ch: A hezitojnë tani talentet e rinj nga diaspora shqiptare, pas këtij suksesi, t`i bashkohen Kombëtares së Kosovës?

Bernard Challandes: Po, suksesi i ekipit inkurajon të rinjtë të luajnë për Kosovën. Ekipi luan mirë, është tërheqës dhe mund të jetë një vitrinë e shkëlqyeshme për lojtarët.

Albinfo.ch: Çfarë ju thonë zviceranët për punën tuaj në Kosovë?

Bernard Challandes: Ata janë të befasuar dhe më japin shumë komplimente.

Albinfo.ch: Si është për një zviceran të punojë në Kosovë? Si po ndiheni në këtë vend? Cilat janë zakonet e tua të vogla?

Bernard Challandes: Unë nuk kam pasur asnjë problem të punoj në Kosovë. Ndihem mirë, Federata më vë në dispozicion gjithçka që është e nevojshme dhe mbi të gjitha, tifozët mbështesin ekipin në një mënyrë të jashtëzakonshme.

Albinfo.ch: Çfarë ju bën përshtypje më së shumti te shqiptarët?

Bernard Challandes: Thjesht, mania dhe dashuria si dhe mënyra e jashtëzakonshme për të mbështetur ekipin e tyre. Ata janë krenarë për lojtarët, dhe gjithashtu, e duan lojën e bukur. Kosova duhet të jetë një ekip sulmues dhe kjo përputhet me cilësitë e lojtarëve që ajo ka.

Albinfo.ch: Nëse kualifikoheni në Kampionatin Evropian, a do të vazhdoni me Kosovën?

Bernard Challandes: Është e sigurt që nëse kualifikohemi, unë do ta çoj ekipin në Euro. Nuk mendoj më tej për momentin.

 

Për publikun e Kosovës

“Thjesht, mania dhe dashuria si dhe mënyra e jashtëzakonshme për të mbështetur ekipin e tyre. Ata janë krenarë për lojtarët, dhe gjithashtu, e duan lojën e bukur. Kosova duhet të jetë një ekip sulmues dhe kjo përputhet me cilësitë e lojtarëve që ajo ka.

Për jetën në Kosovë

Unë nuk kam pasur asnjë problem të punoj në Kosovë. Ndihem mirë, Federata më vë në dispozicion gjithçka që është e nevojshme dhe mbi të gjitha, tifozët mbështesin ekipin në një mënyrë të jashtëzakonshme.

---