Kosova
Çfarë u tha në konferencën para ndeshjes mes Kosovës dhe Izraelit?
![](https://www.albinfo.ch/wp-content/uploads/2018/08/stadiumifadilvokrri-587x391.jpg)
Në kuadër të Grupit I të kualifikimeve për Kampionatin Evropian, në stadiumin “Fadil Vokrri” në Prishtinë nesër do të zhvillohet ndeshja mes Kosovës dhe Izraelit nga ora 20:45. Në këtë grup garojnë edhe Rumania, Zvicra, Bjellorusia dhe Andorra, ndërsa vetëm dy ekipet e para arrijnë kualifikimin.
Në konferencën për media të zhvilluar sot, kapiteni i Kosovës, Vedat Muriqi, i pyëtur nëse pret që futbollistët izraelitë të fishkëllehen nga tifozët kosovarë, u shpreh se secili e ka përgjegjësinë e vet dhe nuk interesohet personalisht për një çështje të tillë, shkruan albinfo.ch.
“Për Izraelin është lojë e veçantë, por nuk dua të flas jashtë fushës. Fishkëllima ka në të gjitha stadiumet dhe fishkëllimat dhe protestat ne nuk mund t’i ndalim, kështu që, ne brenda fushës do të mundohemi të luajmë futboll, sa u përket tifozëve jashtë fushës, secili e ka përgjegjësinë e vet, prandaj nuk jam i interesuar për këtë punë personalisht”, tha Muriqi.
Në anën tjetër, trajneri i Kosovës, Primoz Gliha, u shpreh se lufta Izrael-Hamas nuk duhet të ndikojë në këtë ndeshje dhe se për të nuk është diçka e jashtëzakonshme të luash futboll në kohë lufte.
“Për mua, nuk ndikon aspak, sepse kjo është jeta, ne kemi pasur luftë në Jugosllavi, kemi luajtur në kushte të ngjashme. Por, futbolli është futboll. Jam shumë i pikëlluar për këtë luftë”, ka thënë ai.
Ndërkaq, trajneri izraelit, Alon Hazan dhe kapiteni Eli Dasa janë shprehur se kombëtarja e Izraelit ndihet e sigurt në Kosovë, teksa e falënderuan Kosovën për mirëpritjen, pasi mbërritën në Prishtinë mbrëmë nën masa të rrepta të sigurisë.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë