Tema kryesore ishin marrëdhëniet tregtare mes Republikës së Maqedonisë dhe Bashkimit Evropian, përfshirë këtu edhe sfidat e reja në marrëdhëniet tregtare globale. Dihet se si rezultat i implementimit të suksesshëm të Marrëveshjes së Stabilizim-Asociimit, marrëdhëniet tregtare ndërmjet Maqedonisë dhe BE-së janë në nivel shumë të lartë dhe shkëmbimi tregtar i vendit është me orientim të fuqishëm kah BE-ja.
Në mbledhje u diskutua edhe për tregtinë e çelikut, dhe në këtë kontekst Osmani theksoi se ‘’Industria e çelikut paraqet një ndër shtyllat e ekonomisë sonë, dhe pasojat e mundshme nga kjo krizë për marrëdhëmiet tona dypalëshe mund të kenë ndikim edhe për zhvilllimin e përgjithshëm ekonomik të vendit’’. Osmani dhe Bekteshi shprehën shpresën se Bashkimi Evropian do t’i ketë parasysh të gjitha këto elemente dhe, në përputhje me frymën e Marrëveshjes së Stabilizim- Asociimit masat e eventuale për mbrojtjen e ekonomisë evropiane do të jenë në përputhje edhe me nevojat e marrëdhënieve tashmë të vendosura prej dekadash mes Maqedonisë dhe BE-së.
‘’Jemi sinqerisht mirënjohes për përpjekjet dhe investimet e mëdha të Bashkimit Evropian për transformim dhe harrmonizimin e ekonomisë së Republikën së Maqedonisë me atë të Bashkimit Evropian dhe, duke pasur parasysh zhvillimin pozitiv të proceseve integruese në vendit, pres që ky bashkëpunim të thellohet, ’- theksoi Osmani, duke cituar Raportin e Komisionit Evropian ku, sipas kritereve ekonomike, Maqedonia, në raport me vendet e tjera të Ballkanit Perednimor, mori vlerësimin më të lartë të harmonizimit me ekonominë evropiane.
Takimi i Osmanit dhe Bekteshit me Komisioneren Evropiane të Tregtisë, Sesilija Malstrom është pjesë e vizitës zyrtare në Bruksel gjatë së cilës Osmani u prit edhe nga Nënpresidentja e Komisionit Evropian, Federika Mogerini,si dhe nga shumë përfaqësues të tjerë të lartë të administratës evropiane.
Pjesë e agjendës së Osmanit, në kuadër të vizitës në Bruksel, është edhe një ligjëratë për integrimet evropiane të Maqedonisë para diplomatëve dhe përfaqësuesve të sektorit civil. Takimi organizohet nga Fondacioni Hans Zajdël.
