Kosova
Borrell para takimit: Do të diskutohet për zbatimin e Marrëveshjes bazike
![](https://www.albinfo.ch/wp-content/uploads/2021/10/borrel-ok.jpg)
Josep Borrell, përfaqësues i lartë i Bashkimit Evropian për politikë të jashtme dhe siguri, tha se në takimin mes kryeministrit të Kosovës dhe presidentit të Serbisë në Bruksel do të diskutohet për hapat konkretë për implementim të Marrëveshjeve të Brukselit dhe Ohrit të vitit të shkuar.
“Do të jetë e rëndësishme të kuptojmë se si dy palët e shohin të ardhmen e dialogut të lehtësuar nga BE-ja. Si duan palët që ta vazhdojnë këtë punë. Për pak muaj do të ketë njerëz të tjerë, emra tjerë në vendin tonë, por marrëveshjet, konkluzat dhe pritjet e BE-së s’do të ndryshojnë. Shtetet anëtare s’do të ndryshojnë. Zotimet dhe obligimet e Kosovës dhe të Serbisë s’do të ikin. Të gjithë do të presin nga kapacitetet dhe vullnetin e kryeministrit të Kosovës dhe presidentit të Serbisë të sigurojnë të ardhme më të mirë evropiane për popujt e tyre”, ka thënë ai në një deklaratë para takimit.
Borrelli ka thënë se normalizimi i raporteve në mes të Kosovës dhe Serbisë është në zemër të angazhimit të BE-së për Ballkanin si dhe se normalizimi është i lidhur ngushtë me rrugën e anëtarësimit në bllok.
“Do të diskutojmë se si do të lëvizim përpara mbi bazën e kësaj marrëveshjeje. Do të diskutojmë për hapat e ardhshëm. Është e qartë që ajo që është dakorduar duhet të implementohet. Marrëveshjet janë baza. Veprimet duhet të pasojnë. Implementimi është kryesor. Do të punojmë për hapat konkretë për këtë implementim, për t’i tejkaluar krizat e përditshme me angazhim të plotë në procesin e normalizimit”, ka përfunduar ai.
Të tjera nga Kosova
E-Diaspora
-
Kurti u drejtohet mërgimtarëve: Kosova ju pret krahëhapur Kryeministri Albin Kurti u ka uruar mirëseardhje në vendlindje të gjithë mërgimarëve, përcjell albinfo.ch. Ai, me...
-
Nga data 1 korrik fillon subvencionimi i policës kufitare për mërgatën
-
Aksident i rëndë në Bazel: Një fëmijë shqiptar goditet nga kamioni dhe vdes
-
Ndërron jetë aksidentalisht mërgimtari 29 vjeç në Gjermani
-
Mira Murati: AI do t’i zhdukë disa punë, por shumë të tjera do të lindin
Jeta në Zvicër
-
Aksident i rëndë në Bazel: Një fëmijë shqiptar goditet nga kamioni dhe vdes Pavarësisht se kaloi në zebra, i riu shqiptar u shtyp nga një kamion në Bazel...
-
Kërkohen veprime kundër të dhënave të vendndodhjes së ushtrisë
-
Nëse Zvicra fiton Euro 2024, çfarë ndryshon kjo për ju?
-
Rrufeja godet S-Bahn, qarkullimet u ndërprenë për një kohë
-
Airbnb ka rezerva për rregullat strikte në Lucern