Sporte Luftarake
Boksieri Ukë “Wolf” Smajli rikthen medaljet e arta, shpallet Kampion i Zvicrës

Boksieri shqiptar, Ukë Smajli dy vjet pas pezullimit dhe lëndimit është rikthyer fuqishëm, duke u -shpall Kampion i Zvicrës për herë të 7-të, njofton Albinfo.ch.
Ukë “Wolf” Smajli nga klubi NAB Frenkendorf e fitoi kundërshtarin e tij, Georgi Krilov Svechev nga BC Locarno, në kategorinë Elite Männer deri në 81 kg me rezultat 0:5.
Në një prononcim Ekskluziv për albinfo.ch, boksieri shqiptar me banim në Cyrih shprehet krenar me rezultatin e arritur të dielën e shkuar, në Locarno në kantonin e Ticinos.
“Jam i lumtur që mund të vazhdoj pikërisht aty ku e lash. Unë nuk dua më thënë tjerët se kur me u ndal. Atë e vendosi unë vet. Gjatë dy viteve qe nuk më kanë lejuar të bëj stërvitje në palestra zyrtare. Kjo është arsyeja pse jam shumë krenar që e kam arrit këtë me vëllain tim”, thotë Smajli.
Nga Federata Zvicerane e Boksit shprehen se Ukë Smajli është një nga lojtarët e jashtëzakonshëm në radhët e tyre.
“Smajli është një nga lojtarët absolut të jashtëzakonshëm dhe Zvicra me të drejtë është e lumtur të njohë një boksier të shkëlqyer në radhët e tyre”, thuhet në komunikatën e FZB-së (SwissBoxing).
Për sa i përket planeve në të ardhmen, ai e synon kualifikimin për në Lojërat Olimpike, ndërsa për sa i takon boksit Profesional, Smajli e mendon këtë opsion.
“Sezoni ka mbaruar për këtë vit. Tani po fokusohem në mësimet në Fakultet. Është një fazë shumë e ashpër në fund të semestrit. Në shkurt 2019 do te vazhdoj. Qëllimi im është që të kualifikohem si boksieri i parë për Lojërat Olimpike. Lojërat e ardhshme do të jenë në Tokio në vitin 2020. Jashtë boksit, pres që së shpejti të përfundoj masterin në Ekonomi. Boksi profesional nuk është një opsion para Lojërave Olimpike dhe as pas atyre. Nuk mund të fitoi para të mjaftueshme nëse nuk kam investitorë të fortë. Përveç kësaj, kam alternativa të mira në jetën profesionale për shkak të studimeve. Por, kur pe shoh se ish-kundërshtarët e mi kanë vende të larta në renditjen botërore profesionale ne Boks, atëherë e mendoj ndonjëherë këtë opsion të boksit profesional”, shprehet boksieri Ukë Smajli, një deklaratën ekskluzive për albinfo.ch.
Për herë të parë Ukë Smajli, Kampion i Zvicrës është shpallur në vitin 2011 si Junor dhe që nga viti 2012 e së këndejmi është fitues i titullit Kampion në kategorinë Elite, në përjashtim të vitit 2017.
Në boksin amator, Ukë Smajli ka zhvilluar 115 ndeshje, prej tyre 91 i ka fituar, 22 i ka humbur dhe vetëm dy ndeshje kanë përfunduar pa fitues.
Të ngjashme
Të tjera nga Sporte Luftarake
E-Diaspora
-
Këta janë 10 kandidatët më të votuar të LVV-së në Ambasada e Konsullata Në Qendrën e Numërimit të Rezultateve të Komisionit Qendror të Zgjedhjeve ka vazhduar numërimi i votave...
-
Në Olso, Lëvizja Vetëvendosje mori 91.17% të votave
-
Vota e diasporës: Këto janë rezultatet në Vjenë
-
Rezultatet e partive politike nga votimet në Ambasadën e Kosovës në Paris dhe Romë
-
Kështu u votuan partitë politike në Konsullatën e Kosovës në Nju-Jork
Jeta në Zvicër
-
Urimi për fillimin e muajit të Ramazanit nga Komuniteti Musliman Shqiptar në Zvicër Të nderuar vëllezër e motra! ...
-
Zvicër: Hetimi zbulon të meta shqetësuese në sigurinë e trenave të mallrave
-
Veturat pa shoferë në Zvicër: Lejohet telefoni, por jo gjumi
-
Kosovari shpallet fajtor për tentativë vrasjeje por i ulet dënimi
-
Numër i lartë i rasteve të paraportuara të racizmit anti-mysliman në Zvicër