Lajme
Blerta Kastrioti fiton çmimin gjerman për arritje të jashtëzakonshme të studentëve të huaj
Studentja e masterit , Blerta Kastrioti nga Shqipëria merr çmimin DAAD të këtij viti për arritje të jashtëzakonshme të studentëve të huaj në HWR Berlin

Përveç arritjeve të saj të shkëlqyera akademike, është angazhimi i saj i larmishëm shoqëror që kishte shtyrë njërin nga profesorët e saj të nominonte Blerta Kastriotin për çmimin e Shërbimit Gjerman të Shkëmbimit Akademik (DAAD) për studentët e huaj të shquar, shkruan berlin.de.
Studentja nga Shqipëria është duke përfunduar studimet master për Kontabilitet dhe Kontroll në Universitetin Ekonomik dhe Juridik të Berlinit (HWR Berlin).
Përveç diplomës së mëparshme bachelor në Universitetin e Tiranës, Blerta Kastrioti ka punuar vullnetare në Shqipëri në projekte të ndryshme sociale dhe ekologjike, transmeton albinfo.ch. Ajo ka ndihmuar në fushatat e dhurimit të gjakut të Kryqit të Kuq, mbështet njerëzit në nevojë dhe është e përfshirë në mënyrë aktive në organizatën për mbrojtjen e mjedisit “Green Line Albania”.
“Edhe në kohë të vështira, ne mund t’i kapërcejmë të gjitha vështirësitë dhe t’i arrijmë qëllimet tona nëse vërtet bëjmë përpjekje”, shprehet e bindur fituesja e çmimit. Kështu ajo kishte pranuar sfidën personale për të vazhduar studimet në fushën e financës dhe kontabilitetit në Gjermani. Mbi të gjitha, orientimi i fortë në praktikë i programit të studimit dhe stafi mësimdhënës e motivuan atë të aplikonte në HWR Berlin.
E reja nga Tirana nuk ndalet në teori kur sheh se duhet mbështetje dhe ndihmë, transmeton albinfo.ch. “Ka shumë çështje në Shqipëri për të cilat duhet të ndërgjegjësojmë shoqërinë, si shëndeti dhe mbrojtja e mjedisit. Prandaj çdo dorë që ofron ndihmë është shumë e mirëpritur dhe kontribuon në përpjekjet për një ndryshim pozitiv”, thotë Kastrioti.
Studentja ambicioze e masterit synon një karrierë në financa dhe kontabilitet dhe ka një synim specifik. Ajo dëshiron të iniciojë një projekt afatgjatë që do të avanconte njohuritë dhe edukimin e përgjithshëm në fushën e financave në Shqipëri.
Për herë të 15-të, HWR Berlin ndan çmimin DAAD, ku përfshihet shuma prej 1000 eurosh, dhe vlereson kështu personalitetet për arritjet e tyre të shkëlqyera akademike dhe angazhimin e tyre shoqëror.
Si fituese e çmimit, Blerta Kastrioti përfaqëson rreth 1500 studentë aktualë ndërkombëtarë në HWR Berlin. Secili prej tyre do të marrë një pjesë të Gjermanisë me vete në vendin e tij dhe në këmbim do të formësojë dhe pasurojë profilin ndërkombëtar të universitetit. Të diplomuarit e huaj janë partnerë të ardhshëm të Gjermanisë në biznes, politikë dhe shkencë.
“Nëse vërtet duam të ndryshojmë diçka, është më mirë të përfshihemi edhe ne në proces,” përmbledh me vend Blerta Kastrioti – një pasqyrë dhe qëndrim që përshtatet në shumë mënyra.
(Foto: Berlin.de)
E-Diaspora
-
Gjermani: Dogana i konfiskon prodhuesit shqiptar 828 litra vaj ulliri kontrabandë Hetuesit doganorë të Berlinit kapën furgonin me vaj kontrabandë, nga Shqipëria. Për këtë sasi vaji, normalisht...
-
Ndahet nga jeta në moshën 100 vjeçare veprimtari Astrit Leka
-
“Albaswiss Care, një spitex me standarde zvicerane, në Kosovë”
-
Shoqata “Atdheu” në Thun festoi ditën e Pavarësisë së Kosovës
-
Kosovarja akuzohet se ka përfituar pa të drejtë 173.000 franga të pensionit IV
Jeta në Zvicër
-
Zvicër: Ndarja e azilkërkuesve në kantone shihet si zgjidhje e qëndrueshme Kushdo që aplikon për azil në Zvicër fillimisht shkon në një qendër federale azili dhe më...
-
Zvicër: Importet kineze po dyfishohen – por ligjet e reja mund të godasin këtë sektor
-
A po i bën Trump më të shtrenjtë avionët F-35 për Zvicrën?
-
Zvicër: Veturat pa pilotë, çka duhet të dini
-
Punësimi në Zvicër shënon rritje