Lajme
Beteja e BE-së kundër pirjes së të gjitha llojeve të duhanit në ambiente të jashtme
Bashkimi Europian vazhdon të intensifikojë betejën e tij kundër pirjes së duhanit, shkruan adnkronos.it.
Me një rekomandim të ri, Komisioni Evropian ka përditësuar dhe zgjeruar politikat për mjediset pa duhan (“zonat pa duhan”), duke synuar mbrojtjen më të madhe të qytetarëve, në veçanti të fëmijëve dhe të rinjve.
Këto rekomandime nuk përfshijnë vetëm duhanin tradicional, por edhe cigaret elektronike.
Por çfarë përfshin saktësisht ky rekomandim?
Thelbi i rekomandimit të ri të Komisionit është shtrirja e ndalimit të pirjes së duhanit në zonat e jashtme ku të rinjtë dhe fëmijët janë më të pranishëm.
Këto përfshijnë hapësira të tilla si këndet e lojërave, pishinat, ndalesat e transportit publik, zonat e jashtme të spitaleve dhe shkollave, si dhe ndërtesat publike dhe objektet e shërbimit.
Objektivi është i qartë: krijimi i mjediseve të sigurta, ku të rinjtë të mos ekspozohen ndaj efekteve të rrezikshme të pirjes pasive të duhanit, tashmë të njohur si një nga shkaqet kryesore të problemeve respiratore dhe kardiovaskulare.
Kjo nismë nuk ndalet vetëm në cigaret tradicionale. Komisioni përfshiu në rekomandimet e tij produkte të reja në zhvillim, të tilla si cigaret elektronike dhe produktet e duhanit me ngrohje (HTP), të cilat kanë fituar një pjesë të konsiderueshme të tregut vitet e fundit, veçanërisht midis të rinjve.
Arsyeja?
Pavarësisht pretendimeve nga disa prodhues që i promovojnë këto pajisje si alternativa më pak të dëmshme, Organizata Botërore e Shëndetësisë (OBSH) ka theksuar rreziqet që lindin nga ekspozimi ndaj tymit të ‘’dorës së dytë’’ dhe aerosoleve të emetuara nga këto produkte.
E-Diaspora
-
Turneu në futboll i shkollave shqipe të Zvicrës kthehet në festë madhështore Një ditë e veçantë ku prindër, mësues dhe nxënës të shkollave shqipe mbajtën së bashku turneun...
-
Kurti takon përfaqësuesit e shoqatave të diasporës në Venecia
-
Shkolla “Zidane” nga Prishtina shkëlqen në Bazel
-
15 Vjet Biblioteka “Pestalozzi”, Diaspora e Zvicrës bashkë në një mbrëmje kulturore
-
Fëmijët e shkollave shqipe në Nju Jork presin Vjosa Osmanin
Jeta në Zvicër
-
Zvicër: Shumica e ndërtesave nxehen ende nga lëndët djegëse fosile Më shumë se gjysma e ndërtesave të banimit në Zvicër ende ngrohen me lëndë djegëse fosile,...
-
Turneu në futboll i shkollave shqipe të Zvicrës kthehet në festë madhështore
-
Gjykata Federale dëbon shqiptarin: Ka vjedhur paketat e postës ku punonte
-
Nevojiten “hapa më të vegjël” në reformën pensionale, thotë ministrja zvicerane
-
EasyJet do të nisë fluturime direkte nga Gjeneva në Tbilisi