Kosova
Besimtarët myslimanë festojnë Kurban Bajramin, pandemia ndryshoi faljen
Xhamia e Madhe në Prishtinë dhe ajo e Çarshisë kanë qenë boshe mëngjesin e së premtes, kur duhej të falej Kurban-Bajrami.
Këto xhami dhe të tjerat në Kosovë që mbledhin mijëra besimtarë në festa si kjo, janë mbyllur me vendim të Bashkësisë Islame të Kosovës, për të frenuar, siç është thënë, përhapjen e koronavirusit.
Edhe me masat e reja të miratuara nga Qeveria e Kosovës, “pjesëmarrja fizike e qytetarëve në të gjitha ceremonitë dhe veprimtaritë fetare në Kosovë” është e ndaluar.
Edhe në Shqipëri, në dallim nga vitet e tjera, falja e madhe e Kurban Bajramit nuk u mbajt në sheshin “Skënderbej” dhe as në bulevardin “Dëshmorët e Kombit”.
Duke vlerësuar situatën dhe ecurinë e zhvillimeve të fundit mbi përhapjen e Covid-19 në Shqipëri, Komuniteti Mysliman i Shqipërisë bëri me dije një ditë më parë se namazi i Kurban Bajramit këtë vit do të falet nëpër xhamia sipas masave dhe protokollit të publikuar më parë.
Ngjashëm edhe në Maqedoni, për shkak të pandemisë së KOVID-19, edhe ky Bajram po festohet në masa të mbrojtjes së shëndetit të qytetarëve për parandalimin e shpërndarjes së virusit korona. Besimtarët, ashtu sikur edhe gjatë Fitër Bajramit, duhet që të bartin maska dhe ta ruajnë distancën sociale, ndërkaq autoritetet shtetërore të Maqedonisë së Veriut nuk kanë paralajmëruar orë policore apo kufizime gjatë kësaj feste,
Besimtarët e Maqedonisë së Veriut sot në ora 06:06 minuta e kanë falur namazin e Kurban Bajramit.
Pas faljes së namazi i Kurban Bajramit, myslimanët kanë uruar njëri-tjetrin me mesazhe paqeje, mirësie respekti, dashurie dhe mëshire. Sipas traditës, myslimanët e festojnë këtë Bajram 3 ditë.
Bashkësia Fetare Islame e RMV-së për shkak të situatës aktuale me virusin korona, e ka anuluar organizimin e manifestimit qendror tradicional të namazit të Kurban Bajramit. /Albinfo.ch
Të ngjashme
Të tjera nga Kosova
E-Diaspora
-
Debat me kryeministrin Kurti në Universitetin e St. Gallenit Debati (në gjuhën angleze) do të moderohet nga Prof. Dr. Christoph Frei, profesor i njohur i...
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
-
Pas Gjermanisë, Kurti takon mërgatën në Francë
Jeta në Zvicër
-
Cyrihu do të rrisë tarifat e parkimit për makinat e rënda Çmimi i lejes së parkimit të rezidentit të ‘zonës blu’ në Cyrih do të varet nga...
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?
-
Primet e sigurimeve shëndetësore janë rritur 40 për qind në 10 vjetët e fundit