Kosova
Avokati Koci: Shenjat e gishtërinjve të Faton Hajrizit nuk janë përputhur tërësisht, kërkohet pështyma e nënës
![](https://www.albinfo.ch/wp-content/uploads/2018/03/arianit-koci1-780x439-587x330.jpg)
Avokati i autorizuar nga familja për të tërhequr trupin e Faton Hajrizit, Arianit Koci, ka deklaruar se zyrtarët e Serbisë kanë kërkuar analiza shtesë për ta identifikuar trupin e Faton Hajrizit.
Sipas tij, ata kanë kërkuar që të bëhet analiza e pështymës së nënës së Hajrizit për të parë lidhjen gjenetike, pasi sipas arsyetimeve të zyrtarëve serbë, shenjat e gishtërinjve janë përputhur pjesërisht dhe jo tërësisht.
“Nga mëngjesi jam në takim me polici dhe prokurori dhe si përfundim tash e pata një kërkesë pak të çuditshme për momentin, për shkak se tani po kërkohet që të merret pështyma e nënës së Fatonit në mënyrë që aty të merret materiali gjenetik dhe të krahasohet më pas me materialin gjenetik të Fatonit. Unë e kërkova arsyen pse tani në këtë fazë dhe pse nuk është kërkuar menjëherë në fillim. Sipas policisë, thanë që shenjat e gishtërinjve, shenjat papilare nuk po përputhen tërësisht, pra pjesërisht përputhen. Si duket ka dëmtim të duarve ose nuk dua të spekuloj në atë drejtim, edhe kërkuan që të martën të vijë zonja në stacionin e parë të policisë, vijnë ekspertët e tyre, ia marrin pështymën dhe sekretin prej hundës dhe pastaj vazhdojnë tutje me analizat e tyre”, ka thënë ai për T7, përcjell albinfo.ch.
Ai ka deklaruar se ata nuk kanë pranuar që të shihet kufoma e Hajrizit për shkak se, sipas tyre, është e mbyllur hermetikisht për shkak të dëmtimeve.
“Unë kërkova që nëse vjen zonja në Serbi të paktën ta shohë trupin e djalit të saj. Pas bisedimeve ata thanë që jo, pasi trupi është i mbyllur hermetikisht dhe ka dëmtime”, ka thënë ai.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë