Lajme
Avioni që si karburant përdor vajin e gatimit, realizon fluturimin e parë
![](https://www.albinfo.ch/wp-content/uploads/2023/11/screenshot_20231128_203633_facebook-545x396.jpg)
Një avion Boeing 787 Dreamliner, i kompanisë amerikane Virgin Atlantic, ka kryer fluturimin e parë dhe historik transatlantik, të mundësuar nga karburanti i gjelbër i përbërë nga vaji i gatimit.
Avioni u nis nga aeroporti Heathrow i Londrës dhe u ul në aeroportin JFK të Nju-Jorkut.
Themeluesi i Virgin, Sir Richard Branson, Sekretari britanik i Transportit, Mark Harper dhe shefi ekzekutiv i Virgin Atlantic, Shai Weiss, ishin mes pasagjerëve në fluturimin, i cili nuk transportoi udhëtarë, raporton daily mail, përcjell albinfo.ch.
“Bota gjithmonë do të supozojë se diçka nuk mund të bëhet, derisa bëhet realitet. Fryma e inovacionit po ia del dhe po përpiqet të provojë se ne mund t’i bëjmë gjërat më mirë për të mirën e të gjithëve”, tha Branson.
Ndërkohë, Sekretari britanik i Transportit u shpreh: “Fluturimi i sotëm 100% me energji Saf tregon se si ne mund të dekarbonizojmë transportin si tani, ashtu edhe në të ardhmen, duke ulur emetimet e ciklit jetësor me 70% dhe duke frymëzuar gjeneratën e ardhshme për zgjidhje të gjelbërta”.
I pyetur nëse opsioni më i gjelbër do të ishte që fluturimi të mos bëhej fare, Harper i tha BBC Breakfast, se “njerëzit duan të fluturojnë dhe qeveria në Londër dëshiron që kjo të vazhdojë të bëhet në një mënyrë që përmbush dispozitat mjedisore”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë