Kosova
Avdullah Hoti kërkon lidership të ri në LDK
Kica-Xhelili e quan “qesharake” kërkesën e Hotit për ndryshim të lidershipit në LDK

Avdullah Hoti kërkon lidership të ri në LDK
Kjo pasi ai haptas ka thënë se nuk është i kënaqur me rezultatin zgjedhor.
Po ashtu, ish-kryeministri i Kosovës ka renditur disa arsye pse duhet të ndodhë kjo.
“Personalizimi i fushatës zgjedhore, përbërja e listës, renditja e kandidatëve në listë, paraqitja dhe favorizimi medial i një liste të ngushtë të kandidatëve të LDK-së, si dhe çështje të tjera para dhe gjatë fushatës, kanë dëmtuar kohezionin e brendshëm partiak, me gjithë përpjekjet e të gjithë neve për t’i tejkaluar ato pakënaqësi. Votimi disproporcional në diasporë e ka rënduar dhe cenuar më tutje atmosferën kolegiale dhe bashkëpunuese brenda LDK-së”, tha Hoti.
“LDK-ja ka nevojë për një lidership me qasje ekipore, që është gjithëpërfshirës, me orientime të qarta politike të qendrës së djathtë, që mbledh rreth vetes profesionistë dhe e rikthen LDK-në në epiqendrën e profesionistëve më të mirë të Kosovës, siç ka qenë LDK-ja.”
“LDK-ja ka nevojë për një lidership që punon me transparencë të plotë karshi strukturave partiake në të gjitha nivelet, që e kthen partinë në funksionimin statutar, që merr vendime kolegjiale në bazë të statutit të LDK-së (që është kushtetuta e partisë) dhe në konsultim të gjerë me strukturat qendrore dhe lokale të partisë.
LDK-ja ka nevojë për një lidership ekipor që i fashit përçarjet, që tregon kujdes ndaj të gjithë aktivistëve, të rinj e të vjetër, që i bën bashkë të gjitha copat e LDK-së në të katër anët e vendit dhe në diasporë.”
Në zgjedhjet e 9 shkurtit, Lidhja Demokratike e Kosovës (LDK) është renditur e treta.
LDK ka marrë 171,357 vota, apo 18.27 për qind.
Ndërkohë, nënkryetarja e Lidhjes Demokratike të Kosovës (LDK), Doarsa Kica-Xhelili, e ka quajtur “kërkesë qesharake” deklarimin e zyrtarit të kësaj partie, Avdullah Hoti, për ndërrimin e lidershipit të partisë.
Ajo ka deklaruar se strukturat e LDK-së i kanë dhënë dhe i japin mbështetje të plotë Lumir Abdixhikut si kryetar i partisë, duke shtuar se ai “e ktheu në trendin më të madh historik të ngritjes”, shkruan Koha.
“Si nënkryetare e LDK-së, deklaroj se kjo është kërkesë qesharake. Strukturat e LDK-së i kanë dhënë dhe i japin mbështetje të plotë kryetarit aktual të partisë, i cili partinë e mori me rënien më të madhe historike në 12% dhe e ktheu në trendin më të madh historik të ngritjes (me 70% rritje)”, ka thënë ajo të martën.
E-Diaspora
-
Finalizohen tekstet mësimore të gjuhës shqipe dhe kulturës shqiptare për diasporën Tekstet mësimore për diasporën “Gjuha shqipe dhe kultura shqiptare” tashmë janë finalizuar për fëmijët shqiptarë në...
-
Iftari i bashkimit: “ Xhamia Shqiptare Shtëpia e Paqes” dhe Kisha Reformiste së bashku në sofrën e Iftarit
-
Shoqata e Studentëve Shqiptarë të Lozanës feston 30 vjetorin me një mbrëmje gala
-
Një hap më afër suksesit: swissalbs lidh studentët dhe liderët e industrisë
-
Artisti i ri nga Prishtina, Akil Dashevci, ftohet në ngjarje prestigjioze ndërkombëtare
Jeta në Zvicër
-
Numri i personave mbipeshë në Zvicër është dyfishuar 43 për qind e të rriturve në Zvicër janë mbipeshë, shkruan srf, përcjell albinfo.ch. Referuar statistikave,...
-
Gazeta zvicerane shkruan për përdorimin e “armëve zanore” në Serbi
-
ETH Zürich mbetet një lider global në Shkencat e Tokës dhe Gjeofizikën
-
Pak para Pashkëve: Edhe Migros paralajmëron për krizën e vezëve
-
Zvicra po shqyrton ndalimin e mediave sociale për fëmijët