Austria ka regjistruar 1,478 të reja me Covid në 24 orët e fundit

Samuel-Elias Nadler Avatar of user Samuel-Elias Nadler Samuel-Elias Nadler @mrsamuelelias @mrsamuelelias

Statistikat e fundit nga autoritetet shëndetësore austriake tregojnë se nga rastet e para me koronavirus e deri tani në total Austria ka 413,208 infektime, transmeton albinfo.ch.

Thuhet se situata është e mirëmenaxhuar, pavarësisht infektimeve, veçmas në këtë fillmviti.

Referuar të dhënave të fundit, në Austri ka 14,429 raste aktive me koronavirus, transmeton albinfo.ch.

Ndërsa, në 24 orët e fundit Austria ka regjistruar 1,478 raste të reja me Covid.

Sidoqoftë, përkundër të prekurve, të dhënat e fundit tregojnë se numri i të shëruarve në Austri po rritet. Gjatë kësaj jave në këtë shtet është raportuar se numri i shërimeve ka arritur mbi 95%.

Duhet theksuar se Austria deri tani ka bërë mbi 4.3 milionë testime nën dyshimin se mund të jenë të prekur nga koronavirusi, transmeton tutje albinfo.ch.

Shifrat zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, e këtë e tregon edhe “Worldometers”, e cila publikon në kohë reale të dhëna nga koronavirusi, shkruan albinfo.ch.