Kosova
Arrestohet kryetari i OVL të UÇK-së, Hysni Gucati
Është konfirmuar arrestimi i kryetarit të OVL të UÇK-së, Hysni Gucati, nga EULEX-i.
Këtë e ka konfirmuar avokati i kësaj organizate, i cili ka njoftuar se Gucati do të transferohet në Hagë.
EULEX po zhvillon një bastisje në zyrat e OVL të UÇK-së, përcjell albinfo.ch.
Ende nuk dihen arsyet prapa arrestimit të Gucatit, ndërsa avokati i kësaj organizate Tomë Gashi, i tha Radios Evropa e Lirë se: “Nuk ka gjasa që rasti ka të bëjë me krime lufte, sepse ai kurrë nuk është marrë në pyetje më herët dhe në bazë të vendimit që e kemi parë, mund të ketë gjasa që ai është arrestuar për atë që gjykata e konsideron si pengim të drejtësisë”.
Avokati Gashi ka shkruar në rrjetin social Facebook se Gucati do të transferohet në Hagë, ndërkohë që bastisjet nga EULEX-i në zyret e OVL të UÇK-së po vazhdojnë.
Në vendin e ngjarjes janë parë edhe pjesëtarë të Policisë së Kosovës.
Ndërkaq, gjatë bastisjeve të Zyrës së OVL-së nga EULEX-i, para këtyre zyreve janë mbledhur disa qytetarë në shenjë pakënaqësie ndaj arrestimit të Gucatit.
Kjo vjen një ditë pas arrestimit nga Zyra e Prokurorit të Specializuar më 24 shtator 2020, të Salih Mustafës, njërit prej themeluesve të Ushtrisë Çlirimtare të Kosovës në zonën e Llapit.
EULEX-i ka dhënë përkrahje operacionale dhe logjistike Zyrës së prokurorit të Specializuar edhe në këtë arrestim.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Miratohet udhëtimi me autobus rajonal ndërmjet Italisë dhe Zvicrës Pasagjerët në shërbimet publike rajonale të autobusëve midis Italisë dhe Zvicrës do të mund të hipin...
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?