Lajme
Ankohet për nxehtësinë në aeroplan: nxirret jashtë shqiptari me të birin
Ai i ka kërkuar me forcë ekuipazhit të hapte dyert e avionit, sepse ishte shumë nxehtë për djalin e tij
![](https://www.albinfo.ch/wp-content/uploads/2018/10/wizzair_at_memmingen_airport-587x392.jpg)
Mbrëmjen e së hënës ka ndodhur një incident në bordin e një avioni të Wizz Air në aeroportin Allgau, Memmingen, pak para nisjes për në kryeqytetin shqiptar, Tiranë, transmeton albinfo.ch.
Sipas policisë, një shtetas shqiptar 33-vjeçar ka hyrë në debat me ekuipazhin, i cili është shkaktuar nga pritja e gjatë dhe temperaturat e larta në avion. Pasagjeri, baba i një djali katërvjeçar, i ka kërkuar me forcë ekuipazhit të hapte dyert e avionit, sepse ishte shumë nxehtë për djalin e tij.
Kjo kërkesë çoi në një debat të ashpër në kuptimin e mirëfilltë të fjalës, aq sa u desh në fund edhe prania e policisë kufitare, shkruan allgauerzeitung.de. Si pasojë e incidentit, kompania ajrore vendosi ta nxirrte nga avioni.
Atij iu desh të zbriste nga avioni me djalin e tij.
Ka raportime të përsëritura nga aeroporti Allgäu se pasagjerët nuk lejohen të fluturojnë pasi të kenë pasur mosmarrëveshje me stafin. Megjithatë, në shumicën e rasteve, polemikat lindin për madhësinë e bagazhit të dorës – veçanërisht kur pasagjerët shpërfillin dimensionet e lejuara nga kompania ajrore përkatëse.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë