Alba Festivali 2022 u përmbyll me shumë sukses, mirupafshim vitin tjetër!

Deri në vitin tjetër me Alba Festivalin e radhës, kur pritet të ketë edhe më shumë njerëz nga e gjithë Europa dhe më larg

Festivali më i madh shqiptar ne Europë shkruajnë mediat zvicerane, duke filluar nga “20 Minuten” dhe mediat lokale.
Mbrëmë u mbyll edicioni i dytë i Alba Fest në arealin pranë stadiumit Hardturm të Cyrihut.

Turma të rinjsh të veshur bukur mbushën stadiumin edhe njëherë, diten e dytë të kësaj ngjarjeje. Filloi në pikë vape me diellin ne krahë, me pijet e ftohta, ushqimin në dorë me plot shije; sidomos atë tradicional. Kishte fli Kosove, prerë në trekëndësha, qebape dhe “qofte të mëdha” pizza dhe ushqime të tjera si dhe ëmbëlsira.

Disa bare dhe me shisha janë të pranishme aty. Ora 14 pasdite shënoi fillimin dhe festa zgjati deri në orët e vona në të gjitha hapësirën e vendit me flamuj kuq e zi në dorë.

Sigurisht kostumet përputheshin dhe me ngjyrat e flamurit të ri të Kosovës blu apo verdhë me blu. Sabri Fejzullahu hapi krahët e publikut lart, me një performancë të shkëlqyer, veshur me një kostum blu të çelët ai dha sharm festivalit. Si gjithmonë.

Ylli Limani këndon bashkë me publikun, ai njeh këngët e tij ritmike. Publik ka dhe lart në “Rrotën fluturuese” dhe poshtë afër skenës. Nga lart duket më dritë, nga poshtë je më afër me zërin dhe muzikën.

Ghetto Geasy reperi i fundit në festival për këtë vit. Në sfond kishte flamurin shqiptar.

Më vonë, kur muzgu fillon luajtën edhe të mëdhenjtë e muzikës pop rep si Butrint Imeri dhe Dafina Zeqiri.

Butrint Imeri me një tridhjetëminutësh muzikor. Ja dolën suksesshëm. Kur akrepat e orës shënuan 22:30 u ndje lëvizja e audiencës për dalje. Është e dielë dhe nesër ditë pune; megjithatë kishte dhe qindra mijëra të tjerë që qëndruan deri ne fund.

Çfarë duhet të themi përpara se të marim një stacion treni të mbushur me flamuj dhe të rinj, të cilët nga efekti i Alba Fest akoma këndonin dhe diskutonin. Zbrita dhe unë duke qeshur dhe ndiej videot që kisha filmuar.

Doja t`i jap shkrimit qershinë mbi tortë apo të vazhdoja me komplimente për të gjithë artistët. Prapëseprapë nuk e vë në dyshim që Elvana Gjata do e merrte një tortë me frytin e sezonit veror. Ishte bukur.

Deri në vitin tjetër me Alba Festivalin e radhës kur pritet të ketë edhe më shumë njerëz të pranishëm nga e gjithë Europa dhe më larg, sepse dëshira për të qenë këtu konfirmohet në çdo moment nga të afërm po dhe nga lexuesit e Albinfo.ch.

Ky festival mbaroi me shumë sukses.

Mirupafshim vitin tjetër.

(Teksti: Julinda Daci, Fotot: Armend Berisha)

Më shumë fotografi në galerinë në vijim – >>>

Dy ditët kur Cyrihu vallëzoi nën ritmet e nxehta shqiptare

---