Alarm për rrezik nga ortekët në Zvicrën lindore

Ilustrim

Instituti Federal i Zvicrës për Kërkim i Pyjeve, Dëborës dhe Peizazhit (WSL) ka shpallur pjesë të mëdha të Zvicrës lindore, duke përfshirë vendpushimin popullor të Davosit, në rrezik maksimal të ortekëve.

Të hënën, WSL dha vlerësimin e rrezikut të ortekëve më të lartë të “nivelit 5” për zonat e rëndësishme të turizmit dimëror, si Davos, Klosters, Grindelwald, Engelberg, Andermatt dhe Disentis. Fushat mbi 1.800 m u cituan si në rrezik shumë të lartë të ortekëve natyrorë, të “mëdha apo ekstremisht të mëdha”, për shkak të paqëndrueshmëris të dëborës.

“Ata mund të arrijnë në luginat. Ndërtesat e ekspozuara dhe rrugët e transportit janë të rrezikuara”, paralajmëroi WSL.

Të enjten e kaluar, një ortek me gjerësi 300 metra përfshiu Schwägalp në kantonin Appenzell Rhodes në verilindje të Zvicrës, duke varrosur mbi 25 automjete në një park dhe duke rrëzuar një restorant. Tre vetë u plagosën, përcjell albinfo.ch.

Më parë këtë muaj, dy njerëz u vranë dhe një e plagos nga orteqet në rajonet e skive.

Linjat hekurudhore të prekura përfshijnë atë midis Chur dhe Arosa, ose midis Klosters Platz dhe Davos Platz. Linja Albula është ndërprerë gjithashtu midis Bever dhe Spinas.