Lajme
Ngrihet akuza ndaj kosovarit për vrasjen e kryer 5 muaj më parë, në Düsseldorf
52-vjeçari kosovar mësohet se ka qëlluar disa herë në drejtim të restorantit, duke vrarë menaxherin, një 38-vjeçar gjermano-boshnjak
Pesë muaj pas të shtënave me pasoja fatale për një menaxher restoranti në Düsseldorf, u ngritën akuza kundër sulmuesit të dyshuar.
I akuzuari është një shtetas kosovar. Ai ishte arrestuar në vendngjarje dhe që atëherë ndodhet në paraburgim. 52-vjeçari Rustem R. akuzohet për vrasje dhe shkelje të ligjit të armëve, konfirmon një zëdhënëse e gjykatës së Landit të Dyseldorfit, transmeton albinfo.ch. Nuk është caktuar ende ndonjë datë gjykimi.
Të shtënat janë shkrepur natën e 29 prillit rreth orës 2:45 të mëngjesit përpara një lokali në Herzogstrasse në qendër të Düsseldorfit. Më parë, në restorant kishte një mosmarrëveshje mes të akuzuarit tashmë dhe operatorit 38-vjeçar të restorantit.
Pasi debati ka kaluar nga lokali në rrugë, 52-vjeçari mësohet se ka qëlluar disa herë në drejtim të restorantit, shkruan dpa.de. 38-vjeçari gjermano-boshnjak, i cili thuhet se ka qenë një reper gangsta, iu nënshtrua plagëve të marra në vendngjarje përkundër të gjitha përpjekjeve për reanimim.
Sipas prokurorisë, 52-vjeçari atë natë ka dashur të përballet me tashmë të ndjerin. Shkak mësohet se kanë qenë 15 mijë euro që Rustem R. i kishte humbur më parë teksa luante bixhoz, përcjell albinfo.ch. Sipas gjykatës, i akuzuari ende nuk ka komentuar për akuzat që i ngarkohen.
Ekziston një video e dëshmitarit okular që supozohet se tregon Rustem R. duke qëndruar me armë në dorë përballë viktimës të shtrirë në tokë.
E-Diaspora
-
Pas Gjermanisë, Kurti takon mërgatën në Francë Pas Gjermanisë, kryeministri i Kosovës, Albin Kurti, do të takojë mërgatën në Francë, përcjell albinfo.ch. Lajmi...
-
Ekspozitë e autorit Alan Chin me fotografi nga lufta e Kosovës
-
Shpërndahen tekstet mësimore në gjuhën shqipe për nxënësit e diasporës në Hamburg dhe Schleswig Holstein
-
Gjermania do ta zgjidhë problemin e regjistrimit të kosovarëve si shtetas të Serbisë
-
Frankfurt, hapet panairi i librit, i pranishëm edhe shteti i Kosovës
Jeta në Zvicër
-
Zvicra nuk i pranon të gjitha sanksionet e BE-së kundër Rusisë Zvicra mbetet joaktive kur bëhet fjalë për detyrimet e kujdesit të duhur për filialet. Ka kritika...
-
Nestlé ul objektivin e rritjes mes kërkesës së dobët të konsumatorëve
-
Lucern: Ylfete Fanaj pret në takim ambasadorin Latifi
-
Bisedimet me BE-në po shkojnë mirë, por ka disa pika të jashtëzakonshme
-
Partia kundër mbajtjes së Eurovizionit në Zvicër