Koronavirusi: çast pas çasti
Airprishtina çon aeroplanë specialë në Prishtinë për t`i kthyer udhëtarët e vet në Zvicër
Ajo do t`i nisë aeroplanët e zbrazët në drejtim të Aeroportit të Prishtinës, për t`i kthyer në Zvicër udhëtarët që kishin destinim Zvicrën por që për shkak të bllokadës, kishin mbetur në Kosovë
![](https://www.albinfo.ch/wp-content/uploads/2020/03/airprishtina-587x369.jpg)
Aviokompania Airprishtina në bashkëpunim me Chair, përkundër bllokadës të Aeroportit “Adem Jashari” të Prishtinës, ka vendosur të organizojë disa fluturime në relacionin Zvicër-Kosovë-Zvicër.
Siç merr vesh albinfo.ch nga burimet brenda kompanisë, ajo do t`i nisë aeroplanët e zbrazët në drejtim të Aeroportit të Prishtinës, për t`i kthyer në Zvicër udhëtarët që kishin destinim Zvicrën por që për shkak të bllokadës, kishin mbetur në Kosovë.
Klientët kontaktohen përmes telefonit. Siç bën të ditur burimi për albinfo.ch, disa shqiptarë, banorë të Zvicrës që kishin mbetur në Kosovë , tashmë janë kontaktuar nga Airprishtina dhe janë informuar se sot ose nesër do të transportohen për në Zvicër.
Ndërkohë, pronarja e kompanisë Airprishtina dhe Chair, Leyla Ibrahimi-Salahi ka dhënë një prononcim ekskluziv për albinfo.ch lidhur me rastin.
“Ata janë bllokuar kudo, kanë një natë të gjatë prapa tyre – shpesh, të kaluar në aeroport. Shumë pasagjerë nuk dinë se çfarë të bëjnë më… Duke nisur nga e premtja, 13 Mars, 3:00 pasdite dhe deri në njoftimin e mëtejshëm, autoritetet kosovare kanë anuluar të gjitha fluturimet dhe lidhjet e autobusëve nga Gjermania, Italia, Franca dhe Zvicra.
Ndërkaq, falë një aprovimi të posaçëm nga Kryeministri, kompania “Air Prishtina” është në gjendje të organizojë një numër të kufizuar fluturimesh nga Prishtina deri të hënën, 16 mars 2020. Në këtë situatë sfiduese, kompania ka bërë gjithçka që është e mundur për të kthyer udhëtarët në shtëpi. Në këtë mënyrë, disa pasagjerë mund të kthehen në destinacionet si: Cyrih, Dyseldorf, Frankfurt, Hamburg, Hanover, Mynih dhe Stuttgart. Fatkeqësisht, nuk do të jetë e mundur të bëhet një zgjidhje për kthimin e të gjithë pasagjerëve. Tani kërkohet forcë, këmbëngulje dhe mirëkuptim. Gjendja aktuale e jashtëzakonshme prek të gjithë ne, shembulli i Air Prishtina tregon se është e rëndësishme të qëndrojmë së bashku dhe të ndihmojmë kudo që të jetë e mundur”, thuhet në fund të prononcimit për albinfo.ch. të zonjës Ibrahimi-Salahi.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë