Kosova
Aeroporti i Prishtinës ka një njoftim të ri
Ministri i Infrastrukturës, Arban Abrashi, sot është takuar me kreun e Agjencisë së Aviacionit Civil të Kosovës, Bujar Ejupin dhe përfaqësuesit e aeroportit “Adem Jashari”, me të cilët ka diskutuar për masat e marra nga këto institucione para fillimit të fluturimeve më 28 qershor.
Abrashi në një njoftim në profilin e tij ka thënë se në takim është siguruar nëse janë marrë të gjitha masat siç rekomandon manuali anti-covid i Ministrisë së Shëndetësisë.
“Sot prita në takim të përbashkët drejtorin e AACK, Bujar Ejupi, si dhe përfaqësues të ANP “Adem Jashari”, Gökmen Aritay dhe Uran Vela. Diskutuam për rifillimin e fluturimeve ajrore duke u siguruar se janë ndërmarrë të gjitha masat sipas Manualit për mbrojtje nga përhapja e virusit COVID-19 të publikuar nga Ministria e Shëndetësisë”, ka shkruar Abrashi.
Ai ka përmendur edhe kushtet e reja që do të praktikohen që nga dita e nesërme.
“Nga nesër fillojnë fluturimet ajrore, me disa masa shtesë si:
1. Pasagjeret duhet të jenë në Aeroport 3 orë para fluturimit,
2. Matja e temperaturës do të bëhet për të gjithë pasagjerët që hyjnë në terminal,
3. Përdorimi i kabinetit për dezinfektim në hyrje të terminalit.
4. Masa shtesë të Policisë, Doganës, MSH-së”, shkruan Abrashi.
Gjithashtu ai ka thënë se me përfaqësuesit e aeroportit ka diskutuar edhe për investimet në transportin ajror, hapjen e linjave të reja, programet nxitëse, liberalizimin e tregun për ofruesit e shërbimeve në aeroport etj.
“Do të angazhohemi të kemi më shumë linja ajrore dhe me çmime më të ulëta. Shihemi nesër në aeroport”, ka përfunduar Abrashi.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Miratohet udhëtimi me autobus rajonal ndërmjet Italisë dhe Zvicrës Pasagjerët në shërbimet publike rajonale të autobusëve midis Italisë dhe Zvicrës do të mund të hipin...
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?