Kosova
AAK: Nuk bllokojmë procesin e konstituimit të institucioneve të Kosovës

Aleanca për Ardhmërinë e Kosovës ka njoftuar se nuk do të bëhen pengesë për ndërtimin e institucioneve të reja të vendit pas zgjedhjeve të 14 shkurtit, transmeton albinfo.ch.
Kjo është thënë në një reagim të bërë ndaj politikanes serbe nga Kosova, Rada Trajkovic, transmeton KlanKosova.tv.
“Aleanca nuk do të mbajë qëndrim bllokues në procesin e konstituimit të institucioneve të reja të Republikës së Kosovës, të dala nga zgjedhjet e 14 shkurtit. Deklaratat e znj. Trajkoviq se gjoja AAK paska ndikuar në zgjedhjen e deputetëve minoritarë me qëllim të “kurdisjes” së zgjedhjes së Presidentit, janë gënjeshtër e kulluar, por edhe cinike e qesharake”, thuhet në qëndrim.
“Nuk është hera e parë që zonja në fjalë dëshiron të jetë në qendër të vëmendjes me deklarata pompoze, por kjo është shumë e tepërt. Problemet që komuniteti i saj i ka brenda llojit, nuk duhet t’i adresojë dhe të hedhë fajësinë tek të tjerët, e më së paku te një organizatë e dëshmuar për transparencë e konsistencë në tërë historinë e saj politike”.
Aty thuhet se AAK para së gjithash e ka Kosovën.
“Që nga nominimi i kryetarit Ramush Haradinaj si kandidat për President të Republikës, secili veprim i AAK-së në realizimin e këtij qëllimi, që ne e konsiderojmë të nevojshëm për Kosovën, ekuilibrin e pushtetit dhe ruajtjen e demokracisë, ka qenë plotësisht transparent dhe i njohur për qytetarët!”.
Të ngjashme
Të tjera nga Kosova
E-Diaspora
-
Rritet numri i shqiptarëve që heqin dorë nga nënshtetësia në këmbim të një pasaporte evropiane Rreth 900 persona kanë hequr dorë nga shtetësia shqiptare gjatë vitit 2024 në këmbim të një...
-
Shqiptarja 55 vjeçare gjendet e vdekur në banjë – arrestohet bashkëshorti
-
15 vjeçarja me prejardhje nga Kosova u raportua e zhdukur në Francë, ambasada e Shqipërisë njofton rikthimin në familje
-
Nga Hitachi Vantara te Sonio AG: Arritjet e Leutrim Hajdarit në arkitekturën cloud
-
Diaspora në Kuvendin e Kosovës, Hysen Ҫekaj e Nezir Kraki sigurojnë mandatet
Jeta në Zvicër
-
Më shumë udhëtarë pa biletë se kurrë më parë në Zvicër, a ka më shumë kontrolle tani? Numri i udhëtarëve pa biletë në Zvicër po rritet vazhdimisht, me mbi një milion raste të...
-
Zvicër: Nga 1 Korriku do të duhet të dini edhe më shumë në testin e vozitjes
-
Sa vende pune në Gjenevë mund të humbasin për shkak të shkurtimeve të ndihmës nga SHBA?
-
Mbështetësit e Isis-it në Winterthur përballen me Gjykatën Penale Federale
-
PostFinance, “Klientët tanë po shpenzojnë më shumë se në janar”