Shkurt.ch
Edhe në barometrin e fundit para zgjedhjeve, e djathta në epërsi
![](https://www.albinfo.ch/wp-content/uploads/2015/10/barometri-tetor-2015-aktual-551x396.png)
Edhe barometri më i ri, i fundit para zgjedhjeve nacionale të 18 tetorit e vendos të djathtën fituese kundrejt të majtës dhe e rikonfirmon trendin e rrëshqitjes drejt të djathtës që po tregon elektorati zviceran. Megjithatë, në krahasim me një sondazh të publikuar javën e kaluar, ky i fundit, i realizuar nga Instituti GFS Bern me porosi të SRG, ndryshimet në favor të partive të djathta i paraqet paksa më të moderuara.
Kështu, partia më e madhe në vend SVP/UDC sërish ka dukshëm më shumë ithtarë se partitë tjera, gjegjësisht për të do të votonin 27.9% të zviceranëve që është 1.3% më shumë se në zgjedhjet e vitit 2011. Ndërsa në sondazhin e kaluar ishin 29%. Por edhe SP/PS sipas barometrit më të ri përjeton një rritje edhe pse të vogël: nga 18.7% (viti 2011) në 19.2%. FDP/PLR sipas matjes së fundit të opinionit do të rritej nga 15.1% në 16.7% ndërsa CVP/PDC do të pësonte një rënie prej 0.8% gjegjësisht do të binte në 11.5%.
Rënie do të pësonin edhe Partia e Gjelbër (GPS) nga 8.4% në 7.2%, GLP nga 5.4% në 5% dhe BDP nga 5.4% në 4.6%
Të gjitha këto shifra do të dilnin sikur zgjedhjet të mbaheshin nga 27 shtatori i këtij viti. Natyrisht, me margjinat e pashmangshme të gabimit pre 2.2%.
Barometri është marrë edhe me temat më nxehta që aktualisht shqetësojnë zgjedhësit e Zvicrës. Me 48% shkëputet larg nga të tjerat tema e migracionit si çështje që kërkon zgjidhje urgjente. E dyta, me vetëm 9% është politika evropiane e vendit ndërsa në vendin e tretë të shqetësimeve të zviceranëve del papunësia.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë