Integrimi
Integrimi përmes politikës
![](https://www.albinfo.ch/wp-content/uploads/2015/09/bender12-587x391.png)
Për tu integruar në një shtet, për ti bëre vetes një vend, për të gjetur rrugën e duhur ekzistojnë mënyra të ndryshme. Çdo shtet ka veçantitë e tija, kulturën e tij, kodet e tij, jetën e tij shoqërore. Megjithatë, ka edhe disa tipare të përbashkëta që kanë lidhje me integrimin. Në përgjithësi, zotërimi i gjuhës, ushtrimi i një veprimtarie profesionale, pjesëmarrja në jetën e fshatit apo të lagjes ku jetojmë, anëtarësimi në një shoqatë, në një grup kulturor apo sportiv janë mekanizmat e duhura.
Në Zvicër, angazhimi politik është një mënyrë integrimi e përshpejtuar. Sepse demokracia është përbërja e identitetit kombëtar. Jemi Zviceran në një farë mënyre nga që jemi shtetas. Edhe pse sistemi ynë politik dhe institucional nuk është aq i përsosur siç përshkruhet. Megjithatë, për dikë që dëshiron të integrohet, që ka prejardhje nga emigracioni dhe shtetësinë zvicerane, pjesëmarrja në zgjedhjet federale është një akt qytetar me rëndësi të madhe.
Çdo katër vjet, pas një debati të madh kombëtar populli zgjedh stafin e tij politik. Këtë vit, duket se temat që dominojnë fushatën elektorale janë : emigrimi, ekonomia dhe sigurimet shoqërore. Nga ana tjetër, këto çështje preokupojnë të gjitha shoqëritë perëndimore.
Unë dua ta vë theksin te sfida e emigrimit. Në një moment kur Evropa po përballet me një lëvizje shtegtare të paparë, ndoshta më e rëndësishmja që prej Luftës së Dytë Botërore. Kjo teme është e ndërlikuar për shkak se nuk behet fjale vetëm që të shprehim dhembshurinë dhe solidaritetin tonë, por është e domosdoshme të gjenden zgjidhje të qëndrueshme. Çmenduria vrasëse që po bën kërdinë në Irak dhe në Siri ka si pasojë një eksod masiv të popullsisë. Për këta mijëra njerëz, Evropa është drejtimi më i sigurt, më i afërt dhe më i begatë.
Kandidatet edhe kandidatët me prejardhje nga familje emigrante mund të ndihmojnë autoritetet dhe shoqërinë civile për ti kuptuar më mirë këto realitete njerëzore delikate dhe të ndryshueshme, që kërkojnë vëmendje të madhe dhe një seriozitet maksimal.
Është ne dorën e të gjithëve të sjellin mirëkuptimin e tyre, idetë, propozimet, në mënyrë që së bashku Zvicra të gjejë zgjidhje që i përshtaten vlerave të saja të përhershme dhe bashkëkohore.
Të tjera nga Integrimi
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë