Shqipëria
900 shtetas shqiptarë hoqën dorë nga shtetësia shqiptare
Këta shtetas hoqën dorë nga pasaporta përgjatë vitit 2024

Gjithnjë e më shumë qytetarë po heqin dorë nga pasaporta shqiptare
Referuar të dhënave të Ministrisë së Brendshme, gjatë vitit të kaluar gati 900 shtetas shqiptarë kanë hequr dorë nga shtetësia shqiptare, duke regjistruar kështu numrin më të lartë ndonjëherë, përcjell albinfo.ch.
Në raport me vitin 2023, kjo shifër është rritur me 6%, duke reflektuar një prirje në rritje të braktisjes së shtetësisë shqiptare.
Faktori kryesor që qëndron pas këtij fenomeni është se në disa shtete ku shqiptarët emigrojnë, marrja e nënshtetësisë së vendit pritës kërkon heqjen dorë nga nënshtetësia e mëparshme. Pra, për të siguruar pasaportën e një vendi tjetër – si për të pasur akses më të lehtë në të drejta sociale, punësim apo udhëtim – shumë shqiptarë janë të detyruar të lënë pas pasaportën shqiptare.
Të dhënat e Ministrisë së Brendshme tregojnë se në harkun kohor të 10 viteve të fundit, afërsisht 6,500 qytetarë shqiptarë kanë hequr dorë në mënyrë zyrtare nga nënshtetësia shqiptare.
Profilizimi demografik tregon se shumica e tyre janë të rinj. Sipas të dhënave nga Instituti i Statistikave, individët në moshën 15–35 vjeç përbëjnë më shumë se gjysmën e atyre që janë larguar nga vendi dhe kanë aplikuar për të jetuar dhe punuar jashtë.
Ndërkohë, sipas të dhënave nga Eurostat, në 20 vitet e fundit, më shumë se 521 mijë qytetarë shqiptarë kanë marrë shtetësinë e një prej vendeve të Bashkimit Evropian.
Ky është një tregues i qartë i ritmeve të larta të emigracionit dhe integrimit të shqiptarëve në shoqëritë evropiane – shpeshherë duke sakrifikuar shtetësinë e origjinës për mundësi të reja jetese.
E-Diaspora
-
Itali: Studentët nga universiteti “La Sapienza” bëjnë homazhe për shqiptaren e vrarë Qindra studentë dhe pedagogë nga Universiteti “La Sapienza” kujtojnë 22 vjeçaren me origjinë shqiptare...
-
Forbes rendit Mihane Sadikun si sipërmarrëse profesioniste
-
Promovim librash dhe koncert me piano
-
Gjendet e vrarë 22-vjeçarja shqiptare në Itali
-
Transporti Publik i Cyrihut kërkon personel (edhe) në gjuhën shqipe
Jeta në Zvicër
-
GJEDNJ dënon Zvicrën: Ka dështuar të mbrojë një grua nga dhuna e burrit Policia nuk i kishte treguar asaj asgjë për historinë e dhunshme të burrit, që të mos...
-
Zvicër: Këshilli Federal komenton për tarifat amerikane
-
Në Zvicër, më shumë vdekje dhe më pak lindje
-
Zvicër: Ushqimi jo i shëndetshëm po i kontribuon sëmundjeve
-
Tarifat e SHBA-së ndaj Zvicrës, çka duhet të dini