Lajme

Angli: Policia i gjen shqiptarit 8.000 mesazhe për shitje kokaine

E mërkurë, 13 Nëntor 2024 - 15:30 albinfo.ch

Një shtetas shqiptar, i kapur duke shpërndarë drogë në rrugët e Sleaford, në Angli, u dënua me tre vjet e gjysmë heqje lirie, përcjell albinfo.ch.

Olsi Gjurra u shpall fajtor për posedim kokaine, me qëllim shpërndarjen dhe tregtimin e saj. Gjatë kontrollit në banesën e tij në muajin maj, u gjetën 127 qese me drogë. Gjatë hetimeve, oficerët e policisë këqyrën 8000 mesazhe në celularin e 21-vjeçarit. Për të hetuar përmbajtjen e tyre, autoritetet morën përkthyes shqiptarë. Në fund, u provuan akuzat ndaj tij.

Por, vetë Gjurra deklaroi se ishte viktimë e trafikimit dhe se po detyrohej të shiste drogë.

 

 Të tjera nga Lajme

Një deputete në Kuvendin e Shqipërisë, me doktoratë austriake

 E-Diaspora

 Jeta në Zvicër