Kosova
Kosovarët ankohen: Policia në Shqipëri na gjobit pa njoftuar, tani na bllokon edhe hyrjen në pikat kufitare
Kosovarët dënohen në trafik prej radarëve e nuk njoftohen për gjobat nga shteti shqiptar
Qytetarë të Kosovës janë ankuar se për dënimet për kundërvajtje që po i marrin me radarë rrugorë në Shqipëri nuk po njoftohen as nga Policia e Shtetit e as nga ajo e Kosovës. Për pasojë, dënimet po u rriten me kamatë ditore prej 2 për qind. Për gjobat e papaguara, të shqiptuara pa dijeninë e tyre, qytetarëve nuk po u lejohet hyrja në shtetin shqiptar me veturën e njëjtë. Për mungesën e njoftimit e të bashkëpunimit institucional Kosovë – Shqipëri, nuk dhanë përgjigje autoritetet e asnjërës palë.
Më 11 shtator tek po udhëtonte nëpër Shqipëri, Lulzim Cakolli, qytetar nga Kosova, u fotografua nga radarët rrugorë, duke tejkaluar shpejtësinë e lejuar. Në aksin rrugor Laç-Thumanë, shpejtësia e lejuar ishte 90 kilometra në orë, të cilën Cakolli e tejkaloi për 37 më shumë. Këtë kundërvajtje e mati pajisja e quajtur “Poliscan”, në bazë të së cilës Cakollit iu shqiptua një gjobë prej 300 mijë lekësh që konvertohet në 304 euro e gjysmë. Por, për gjobën që mori nga shteti shqiptar, Cakolli nuk u njoftua deri para disa ditëve kur deshi të hynte në Shqipëri për kalim transit në Mal të Zi, por u kthye prapa.
“Domethënë nuk e kam ditur unë që kam gjobë deri të premten kur jam nisë për të shkuar në Mal të Zi… Edhe unë kur kam hi në kufi, në Morinë, aty diku kah ora 20:30-20:45 kështu, më tha polici që ti s’mundesh me hy në kufi, nuk mund të hysh në territorin shqiptar, kerri s’mundet me hy se unë po, shkaku i dënimit”, ka thënë ai.
Të tjera nga Kosova
E-Diaspora
-
Edi Rama sot mban takim me shqiptarët e Amerikës në Nju-Jork Kryeministri Edi Rama do të zhvillojë sot në Nju-Jork një takim me shqiptarët e Amerikës, përcjell...
-
Nga Vjena në Shqipëri, ekstradohet një shtetas shqiptar
-
Në Gjermani janë regjistruar më shumë se 200 mijë qytetarë nga Kosova
-
Është hapur ekspozita e parë etnografike shqiptare në Zvicër
-
“Realitetet e luftës”: Alain Chin na e sjell në kujtesë luftën e Kosovës
Jeta në Zvicër
-
Studimi tregon se pagat e CEO-ve në Zvicër u rritën me 5% në vitin 2023 Drejtuesit kryesorë të kompanive më të mëdha zvicerane të listuara panë rritjen e pagave të tyre...
-
“Një fëmijë”: Një histori e fuqishme shqiptare në “Bern Film Club Festival”
-
Qiratë e larta i pengojnë njerëzit të ndryshojnë apartamentet
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?