Tematike
Shumica e zviceranëve kanë qëndrim negativ për BE-në
49 për qind e zviceranëve që kanë të drejtë vote kanë ndjenja negative ndaj BE-së. Për një pakicë prej 28 për qind, ndjenjat pozitive dominojnë
Rezultatet e anketës së fundit të GfS-së tregojnë interes të madh për temat e Evropës dhe BE-së nga ana e votuesve zviceranë.
Megjithatë, ndjenjat janë të përziera. 49 për qind e zviceranëve që kanë të drejtë vote kanë ndjenja negative ndaj BE-së, transmeton albinfo.ch. Për një pakicë prej 28 për qind, ndjenjat pozitive dominojnë.
Ndjenjat negative justifikohen nga faktorë që ata i kanë identifikuar si: humbja e sovranitetit kombëtar, burokracia e BE-së dhe procesi vendimmarrës që perceptohet si jodemokratik, shkruan srf.ch.
Pikëpamjet pozitive, nga ana tjetër, vendosin theksin te BE-ja si një projekt paqeje, pastaj tek përfitimet ekonomike dhe përparësia e integrimit në një komunitet më të madh.
Rezultatet e anketës së popullsisë “Evropa në jetën e përditshme” bazohen në një anketë përfaqësuese të 19,955 votuesve me të drejtë vote në Zvicër.
Anketa është zhvilluar midis 16 shtatorit dhe 30 shtatorit 2024. Sondazhi u reklamua përmes kanaleve SRG-SSR. 15,163 votues janë anketuar në gjermanisht, 4,348 në frëngjisht dhe 444 në italisht.
GFS Bern thekson se rezultatet janë një pasqyrim i gjendjes në momentin e sondazhit.
Shumica i sheh pozitivisht marrëdhëniet bilaterale
Shumica e zviceranëve i shohin marrëveshjet dypalëshe me BE-në si pozitive në përgjithësi, veçanërisht në qarqet e majta-gjelbër, ndërsa votuesit pranë SVP-së dhe partive të pavarura janë më kritikë. Kjo tregohet nga anketë në fjalë.
Marrëveshjet dypalëshe shihen si të rëndësishme ekonomikisht, veçanërisht për qasjen në tregun evropian dhe për zbutjen e mungesës së punëtorëve të kualifikuar, përcjell albinfo.ch. Megjithatë, shumë njerëz e gjykojnë rëndësinë e këtyre kontratave si të ulët për ata, personalisht.
Për shumicën, efektet negative të marrëdhënieve bilaterale përfshijnë rritjen e emigracionit, presionin e pagave dhe rritjen e çmimeve të qirasë dhe pronës.
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Mediat zvicerane, cak i hakerëve Një sulm hakeri ka paralizuar platformën e lidhjes OneLog, duke rrezikuar aftësinë e njerëzve për të...
-
Ku në Zvicër është 1 Nëntori festë publike?
-
Zyra e NATO-s në Gjenevë “nuk do të shkelë neutralitetin zviceran”
-
Ekspertët zviceranë, me teknologji të re, në kërkim të varrezave masive në Kosovë
-
Shoqata “ILIRËT” do të prezantohet me këngë e valle shqiptare në qytetin Gland