Kriza në Ukrainë
Rusia aprovon traktatin me Korenë e Veriut për ndihmë ushtarake
Duma ruse, Dhoma e Ulët e Parlamentit, e ka miratuar një traktat për partneritet strategjik me Korenë e Veriut, e cila ua mundëson atyre ta mbështetin njëra-tjetrën me “ndihmë ushtarake dhe ndihma të tjera”.
Për traktatin, e aprovua më 24 tetor, u pajtuan në qershor në Phenian presidenti i Rusisë, Vladimir Putin, dhe lideri i Koresë së Veriut, Kim Jong Un. Ky traktat e rrit shkallën e bashkëpunimit mes këtyre dy vendeve.
Ai përmban edhe një fjali, e cila thekson se nëse njëra palë sulmohet dhe e gjen veten në gjendje lufte, atëherë pala tjetër duhet patjetër “menjëherë t’i dalë në ndihmë ushtarakisht dhe në mënyra të tjera me të gjitha mjetet në dispozicion”.
Nuk është e qartë se si mund të interpretohet kjo klauzolë, por Koreja e Jugut dhe Shtetet e Bashkuara kanë thënë rishtazi se kanë dëshmi së trupat koreanoveriorë ndodhen në Rusi dhe se duket se po kryejnë stërvitje.
Dërgimi i trupave e rrit mundësinë që ushtarët koreanoveriorë mund t’u bashkohen trupave ruse në luftën në Ukrainë, e cila është duke vazhduar nga viti 2022, kur Moska e nisi pushtimin e plotë të shtetit fqinj, transmeton albinfo.ch.
Sekretari amerikan i Mbrojtjes, Lloyd Austin, tha më 23 tetor se Koreja e Veriut mund të përballet me pasoja për ofrimit të ndihmës së drejtpërdrejt Rusisë.
Zëdhënësi i Këshillit të Sigurisë Kombëtare, John Kirby, tha se Shtëpia e Bardhë beson se të paktën 3.00 ushtarë koreanoveriorë udhëtuan me anije për në Vladivostok të Rusisë në fillim të tetorit.
Zëdhënësi i NATO-s, Farah Dakhlallah, tha se aleatët janë duke e diskutuar këtë çështje, duke shtuar se nëse është e vërtetë, “do të shënojë përshkallëzim të madh në mbështetjen e Koresë së Veriut për Rusinë në luftën e saj të jashtëligjshme, si dhe do të ishte shenjë tjetër për humbjet e mëdha të Rusisë në vijën e parë”.
Qendra për Komunikime Strategjike e Ukrainës më 18 tetor e postoi një video, për të cilën tha se shfaqte trupat koreanoveriorë duke u përgatitur në terrenin stërvitor Sergievski të Rusisë, për t’u zhvendosur në Ukrainë.
Kremlini i ka hedhur poshtë pretendimet e Koresë së Jugut në të kaluarën se Pheniani e ka furnizuar Moskën me predha artilerie dhe raketa me rreze të shkurtër veprimi.
Por, Kremlini nuk ka komentuar mbi pretendimet e fundit nga Seuli dhe Zelensky, i cili më 14 tetor tha se “tani nuk bëhet fjalë vetëm për transferimin e armëve. Në fakt, bëhet fjalë për transferimin e njerëzve nga Koreja e Veriut në forcat ushtarake okupuese”./ REL
E-Diaspora
-
Gërvalla në Bazel, diskuton me shqiptarët për sfidat e mësimit të gjuhës shqipe në mërgatë Ministrja e Punëve të Jashtme dhe Diasporës në Kosovë, Donika Gërvalla po qëndron në Bazel, ku...
-
Ndërron jetë mërgimtari i ri shqiptar në SHBA, si pasojë e një aksidenti
-
Haradinaj i drejtohet komunitetit shqiptar në SHBA: Kosova ka nevojë për ju
-
Planet e së ardhmes që synon t’i zhvillojë Mira Murati e që lidhen me miliona dollarë
-
“Diaspora Për Shqipërinë e Lirë” me kërkesa për votën e emigrantëve
Jeta në Zvicër
-
Përmirësohet perspektiva për eksportet zvicerane Perspektiva për industrinë e eksporteve zvicerane u ndriçua lehtë në tetor. Megjithatë, zhvillimi i mëtejshëm varet...
-
Zvicër: Praktikat mbeten zgjedhja e preferuar për të rinjtë
-
Gjithçka që ndryshon në Zvicër nga muaji nëntor
-
Një në shtatë zviceranë ndërroi punën në vitin 2023
-
Kantoni Valis, një nga vendet më të mira në botë