Kosova
Vendimet që u morën në mbledhjen e sotme të Qeverisë së Kosovës
Qeveria e Kosovës sot ka mbajtur mbledhje, në të cilën ka marrë këto vendime:
– ka miratuar nismën për lidhjen e Marrëveshjes së Bashkëpunimit “Protokoll për Trajnimin dhe Bashkëpunimin në Fushën e Shëndetit Ushtarak” ndërmjet Ministrisë së Mbrojtjes së Republikës së Kosovës dhe Ministrisë së Mbrojtjes së Republikës së Turqisë. Përmes këtij protokolli mundësohet ofrimi i kuotave shtesë për trajtimin e ushtarakëve të FSK-së në institucionet mjekësore ushtarake turke. Me këtë marrëveshje kuota e trajtimeve mjekësore në dispozicion rritet nga 50 në 75 në vit. Të gjitha këto trajtime janë falas dhe bëhen në spitale ushtarake.
– ka miratuar Projektligjin për Agjencinë e Menaxhimit të Emergjencave.
– ka miratuar Projektligjin për Inspektoratin Qendror të Mjedisit, Ujërave, Natyrës, Ndërtimit si dhe për Mbrojtjen nga Rrezatimi dhe Siguria Bërthamore. Projektligji synon organizimin më të mirë të trupave inspektuese, reformën dhe rritjen e efikasitetit në këto trupa, zbatimin me të mirë të legjislacionit në fuqi dhe mbrojtjen e përgjithshme të mjedisit, për një jetë më të mirë të qytetarëve.
– ka nominuar përfaqësuesit e Qeverisë Republikës së Kosovës në Këshillin Konsultativ për Komunitete, si në vijim:
o znj. Nurije Shala, këshilltare politike në kryeministri,
o z. Sllavisha Mladenoviq, komisioner për gjuhët, dhe
o z. Eros Gashi, këshilltar politik në Ministrinë e Drejtësisë;
– ka themeluar Komitetin Drejtues për mbikëqyrjen e zbatimit të projektit “Skema e Profesionistëve të Rinj” në kuadër të programeve IPA 2018 dhe IPA 2019.
– ka ndarë 45,000.00 euro për Forumin Ekonomik të Vjenës me qëllim promovimin e Republikës së Kosovës dhe një perspektivë më premtuese për bashkëpunim ekonomik në arenën ndërkombëtare.
– ka miratuar Katalogun e Vendeve të Punës për Shërbimin Civil, si kërkesë që rrjedh nga aktet normative për zyrtarë publikë. Ky katalog përmban mbi 1500 pozita si dhe klasat, grupet dhe fushat e kërkuara të arsimit për këto pozita të kategorisë profesionale. Ai lehtëson procesin e klasifikimit dhe grupimit të vendeve të punës për kategorinë profesionale në shërbimin civil.
– ka ndryshuar dhe ka plotësuar vendimin e Qeverisë Nr. 03/30 të datës 12 maj 2020.
– ka emëruar Komisionin Ad hoc për Vlerësimin Profesional për Pranim për Pozitën e Kategorisë së Lartë Drejtuese: Drejtor/e Ekzekutiv/e në Agjencinë për Barazi Gjinore në kuadër të Zyrës së Kryeministrit.
– ka aprovuar Programin e përgatitur nga Zyra për Çështje të Komuniteteve. Ky program synim kyç e ka avancimin e të drejtave të komuniteteve joshumicë, përmes granteve e subvencioneve, dhe një hap i Qeverisë sonë në drejtim të mbështetjes financiare për mediat, OJQ-të, studentët e kategoritë e ndjeshme, për integrim të plotë e zhvillim të barabartë.
– ka miratuar koncept-dokumentin për Trajtimin e Mbeturinave.
– ka miratuar vendimin përfundimtar të shpronësimit të pronave të prekura nga realizimi i projektit “Konservimi, Restaurimi dhe Ndërtimi i Kompleksit Memorial Masakra e Reçakut”.
Të tjera nga Kosova
E-Diaspora
-
Haradinaj i drejtohet komunitetit shqiptar në SHBA: Kosova ka nevojë për ju Kryetari i Aleancës për Ardhmërinë e Kosovës (AAK), Ramush Haradinaj, në përmbyllje të vizitës në Amerikë...
-
Planet e së ardhmes që synon t’i zhvillojë Mira Murati e që lidhen me miliona dollarë
-
“Diaspora Për Shqipërinë e Lirë” me kërkesa për votën e emigrantëve
-
Prishtinë: Lule Elezi performoi me rastin e 25-vjetorit të themelimit të QKRMT-së
-
Deri tani 9440 kërkesa për të votuar në zgjedhjet e 9 shkurtit janë pranuar nga diaspora
Jeta në Zvicër
-
Tonelata ari fshihen në shtëpi ose “varrosen” në kopshtet zvicerane Familjet zvicerane kanë një rezervë mbresëlënëse ari në formën e monedhave ose shufrave, të vlerësuara në...
-
FMN: Zvicra nuk do të ketë ritmin e njëjtë të rritjes ekonomike në 2025-ën
-
Kantoni zviceran, në listën e “10 rajoneve më të mira” të Lonely Planet
-
Edhe pse jo si më herët, Zvicra vazhdon të prijë si zgjedhja kryesore për menaxhimin e aseteve
-
Sektori i shëndetësisë bie dakord për një sistem të ri tarifor