Shqipëria
Hyn në fuqi marrëveshja Zvicër-Shqipëri për menaxhimin e financave publike
Ka hyrë në fuqi marrëveshja e nënshkruar mes qeverisë shqiptare dhe asaj zvicerane, që synon forcimin e menaxhimit të financave publike në nivel vendor në Shqipëri.
Marrëveshja e zbardhur në Fletoren Zyrtare sot, mbështet fazën e dytë të projektit për “Ofrimin e asistencës teknike për forcimin e menaxhimit të financave publike në nivel vendor në Shqipëri” dhe parashikon një fond prej 4.5 milionë euro për periudhën 2024-2028, në funksion të vazhdimit të zbatimit të projektit në fjalë.
Marrëveshja është firmosur midis Ministrisë së Financave të Shqipërisë, përfaqësuar nga ministri Petrit Malaj dhe Sekretariatit Shtetëror për Çështjet Ekonomike të Zvicrës, përfaqësuar nga ambasadorja e Zvicrës në Tiranë, Ruth Huber. Projekti ka si qëllim të përmirësojë planifikimin strategjik dhe menaxhimin e përgjithshëm të buxheteve në 61 bashki shqiptare, duke fuqizuar sistemet dhe proceset e menaxhimit financiar dhe duke rritur të ardhurat vendore të bashkive.
Në fazën e dytë, Zvicra do të kontribuojë me një shumë prej 4.49 milionë frangash zvicerane, duke ofruar asistencë teknike për përmirësimin e sistemeve të kontrollit të brendshëm, auditimit të brendshëm, dhe raportimit financiar në nivel lokal. Marrëveshja do të zgjasë deri në vitin 2029 dhe pritet të sjellë rezultate të rëndësishme në përmirësimin e ofrimit të shërbimeve publike në bashkitë e vendit, transmeton atsh përcjell albinfo.ch.
Zbatimi i kësaj, garanton rritjen e efikasitetit në mbledhjen e të ardhurave nga taksat dhe tarifat vendore, reformimit të buxhetit vendor, duke e bërë më eficient dhe transparent, si dhe kontrollit më të mirë të auditimit dhe raportimit financiar.
Faza e parë e zbatimit të projektit ka mbështetur bashkitë në disa aspekte, ndërsa faza e dytë ka si objektiva kryesorë përmirësimin e planifikimit strategjik dhe menaxhimit të përgjithshëm, fuqizimin e sistemeve të menaxhimit të të ardhurave vendore, me qëllim rritjen e tyre dhe kontributi për rritjen e të ardhurave të veta në bashki, ngritjen e sistemeve të efektshme për auditimin dhe raportimin financiar.
Projekti për financat vendore mbështet 61 bashkitë në rritjen e kapaciteteve për menaxhimin e financave, të cilat njihen me instrumente dhe metoda më efikase në këtë drejtim.
E-Diaspora
-
Shoqata ‘Sharri’ organizon festë me rastin e 28 Nëntorit ...
-
Studentët shqiptarë në Diasporë, urë lidhjeje me atdheun
-
Përfaqësuesit e Albanian Engineering of Switzerland vizitojnë nga afër ndërtimin e stacionit hekurudhor në Bernë
-
Sopranoja Elbenita Kajtazi performon në Vjenë
-
Erdhën nga Suedia në Kosovë për të zhvilluar tutje sportin e famshëm Golf
Jeta në Zvicër
-
Këto janë komunat më tërheqëse për të jetuar në Zvicër Kushdo që mendon të lëvizë, do të kërkojë një vend të ri për të jetuar bazuar...
-
Zvicra është pa dyshim më pak e sigurt se sa ishte disa vjet më parë
-
Zvicra grumbulloi ar me vlerë rreth 15 miliardë franga
-
Tryezë e rrumbullakët në Lozanë
Mungesa e fuqisë punëtore të kualifikuar në Zvicër: cilat janë sfidat, cilat janë zgjidhjet dhe cilat janë mundësitë?
-
Mbi 3 milionë njerëz erdhën në Zvicër nga viti 2002