Kosova
Von der Leyen, thirrje liderëve të Ballkanit: Nëse doni të përparoni, bashkëpunoni
Kryeministrat e gjashtë vendeve të Ballkanit Perëndimor nënshkruan në samitin e Procesit të Berlinit deklaratën për një plan veprimi për tregun e përbashkët rajonal, për vitet 2025-2028, si dhe marrëveshje për përmirësimin e qasjes në arsimin e lartë, përcjell albinfo.ch.
Plani i ri për tregun e përbashkët rajonal është pjesë integrale e Planit të Rritjes për Ballkanin, i cili u miratua nga BE-ja në muajin maj dhe ka vlerën e 6 miliardë eurove, si dhe synon t’i mbështesë reformat e rajonit, që lidhen me BE-në. Presidentja e Komisionit Europian, Ursula von der Leyen, i nxiti vendet e rajonit të qëndrojnë në anën e drejtë të historisë në mesin e një rritjeje të ndikimit rus.
“Ne kemi parë përgjatë këtyre 20 vjetëve një periudhë mjaft të gjatë, ku zgjerimi nuk ishte në krye të agjendës dhe ishte përjashtuar si mundësi. Kjo ka ama ka ndryshuar rrënjësisht vitet e fundit. Më duhet të them gjithashtu se agresioni rus në Ukrainë ka sjellë një lloj qartësie. Ju duhet të zgjidhni të jeni në anën e duhur të historisë dhe në anën e ligjit ndërkombëtar. Dhe të gjitha vendet që aplikojnë për anëtarësim në BE kanë qenë shumë të qarta për këtë, dhe kanë kaluar në anën e demokracisë dhe mbrojtjes së ligjit ndërkombëtar”, tha Von der Leyen.
Von der Leyen e cilësoi Planin e Rritjes “si më të rëndësishmin”. “Nëse dëshironi të përparoni, bashkëpunoni me të tjerët. Është një proces i bazuar në merita”, tha ajo.
“Unë besoj se të gjitha vendet e Ballkanit Perëndimor duhet të jenë pjesë e Bashkimit Europian. Sundimi i ligjit dhe integrimi ekonomik kanë rëndësi kyçe”, tha der Leyen.
Vendet anëtare të BE-së i miratuan më 11 tetor agjendat e reformave të pesë vendeve të rajonit – përveç Bosnjë e Hercegovinës – duke i hapur kështu rrugë Komisionit Europian që t’i bëjë pagesat e para nga paketa në fjalë.
Të tjera nga Kosova
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin