Kriza në Ukrainë
Zelensky: Koreja e Veriut po dërgon ushtarë dhe armë në Rusi
Presidenti ukrainas, Volodymyr Zelensky, pretendoi se Koreja e Veriut ka dërguar ushtarë dhe armë në Rusi për të mbështetur luftën e Moskës në Ukrainë.
Mediat ukrainase së fundi kanë raportuar se gjashtë pjesëtarë të personelit ushtarak të Koresë së Veriut u vranë në një sulm ajror ukrainas në rajonin ukrainas të Donjeckut – të pushtuar nga Rusia – më 3 tetor.
Raportimet e mediave ukrainase nuk kanë mundur të verifikohen në mënyrë të pavarur, por gjatë adresimit të tij në orët e vona të 13 tetorit, Zelensky për herë të parë përsëriti këtë pretendim.
“Kjo më nuk është çështje vetëm e transferimit të armëve. Tashmë ka të bëjë me transferimin e njerëzve nga Koreja e Veriut për te forcat e ushtrisë okupuese”, tha ai.
Zelensky nuk ofroi dëshmi për të mbështetur këtë pretendim, por spekulimi mbi rolin e Koresë së Veriut në konflikt është rritur në mesin e shenjave se Moska po forcon lidhjet me shtetet sikurse Koreja e Veriut dhe Irani, pas pothuajse 32 muajsh që kur Rusia nisi pushtimin në shkallë të plotë të Ukrainës.
Instituti për Studim të Luftës, me seli në Uashington, së fundi ka raportuar se qindra trupa të Koresë së Veriut kanë arritur në Rusi dhe po përgatiten që të dislokohen në Ukrainë.
Koreja e Veriut raportohet se i ka ofruar Moskës armë dhe municion, që Rusia i përdor kundër Ukrainës.
Shërbimi i inteligjencës së Koresë së Jugut ka pretenduar se Pheniani e ka furnizuar Moskën me municione të artilerisë dhe raketa me rreze të shkurtër veprimi. Kremlini ka hedhur poshtë këto pretendime, por nuk ka komentuar lidhur me deklaratën e Zelenskyt.
Zelensky tha se dislokimi vë në pah nevojën e Ukrainës për “më shumë mbështetje” nga partnerët e saj perëndimorë për të “rritur presionin ndaj Rusisë” dhe për të parandaluar “një luftë më të madhe”.
Presidenti ukrainas javën e kaluar vizitoi Britaninë, Gjermaninë, Francën dhe Italinë dhe u kërkoi partnerëve të Kievit që të vazhdojnë mbështetjen ushtarake për Kievin.
Situata në Ukrainë dhe Lindjen e Mesme pritet të jetë në krye të agjendës gjatë takimit mes presidentit amerikan, Joe Biden, dhe udhëheqësit gjerman, Olaf Scholz, gjatë vizitës në Berlin më vonë gjatë javës./ Radio Evropa e Lirë
Të tjera nga Kriza në Ukrainë
E-Diaspora
-
Diaspora i dërgon letër kancelarit gjerman Scholz, kanë një kërkesë për të Organizata e Akademikëve dhe Studentëve të Diasporës Shqiptare në Hamburg i është drejtuar kancelarit të Gjermanisë,...
-
Kosovë: 6634 persona të regjistruar për votim nga diaspora, ja deri kur është afati
-
Kurti takoi mërgatën edhe në qytetin e Këlnit
-
Kurti takoi bashkatdhetarë të shumtë në Shtutgart
-
Madrid: 12 veçarja shqiptare në prag të përfaqësimit të Shqipërisë
Jeta në Zvicër
-
Informacion i ri mbi vrasjet e Chevaline të 12 vjetëve më parë Spekulimet janë të shumta se ka informacione të reja rreth masakrës së Chevaline 12 vjet më...
-
Lidhja e re A40 shkon një hap më tej
-
27 kërcënime me bombë në Austri, arrestohet një zviceran
-
Komunat pranë aeroportit të Gjenevës kërkojnë rregulla më të rrepta të natës
-
Festivali i Filmit i Cyrihut vendos rekord të audiencës