Lajme
Fermerët zviceranë protestojnë kundër shkurtimeve “në kurriz të familjeve fermere”
Fermerët zviceranë u mblodhën në kryeqytetin, Bernë, për të protestuar kundër shkurtimeve të propozuara në sektorin bujqësor.
Shoqatat e fermerëve zviceranë i ka kërkuar qeverisë dhe parlamentit të braktisin masat shtrënguese në bujqësi. “Masat shtrënguese në kurriz të familjeve fermere janë të pajustifikueshme”, tha Markus Ritter, president i Shoqatës së Fermerëve Zviceranë, transmeton albinfo.ch.
Njëzet vjet më parë qeveria zvicerane ndau 7.4% të buxhetit të saj për bujqësinë. Vitin e kaluar ishte 4.7%, tha Shoqata e Fermerëve për mediat në Bernë. Për më tepër, shpenzimet vjetore për bujqësinë kanë mbetur të qëndrueshme në rreth 3.6 miliardë CHF për 20 vjetët e fundit, ndërsa shpenzimet e përgjithshme federale janë rritur me gati 40 miliardë CHF, ose më shumë se 80%. “Prandaj, bujqësia nuk është përgjegjëse për mungesën financiare”.
Një nga arsyet e protestës së fermerëve jashtë ndërtesës së Parlamentit federal të mërkurën ishin planet e qeverisë për uljen e kostove. Një grup ekspertësh federalë, i udhëhequr nga Serge Gaillard, ish-kreu i Administratës Federale të Financave, ka identifikuar kursime të mundshme deri në 5 miliardë CHF në të gjithë sektorët deri në vitin 2030. Qeveria ende synon të marrë një vendim për masat dhe të paraqesë një propozim për konsultim formal. Parlamenti do të vendosë më pas, shkruan swissinfo.
Fermerët kanë kritikuar faktin se 48 milionë CHF, ose 1.4%, pritet të shkurtohen nga buxheti i vitit të ardhshëm, veçanërisht në pagesat direkte. Në kuadrin e pagesave bujqësore për 2026-2029, 230 milionë CHF, ose 1.6%, gjithashtu pritet të shkurtohen. Për më tepër, raporti Gaillard propozon një shkurtim të mëtejshëm prej rreth 210 milionë CHF si kontribut i bujqësisë në ristrukturimin më të gjerë të buxhetit federal.
“Por për shumë familje fermere, të cilat duhet të sigurojnë bukën e gojës dhe tashmë po humbasin gjumin për këtë, kjo është një shumë e konsiderueshme që përfundimisht do të mungojë”, tha Ritter.
E-Diaspora
-
Sa paguhen kosovarët në Gjermani dhe çfarë punojnë? Sektorët e ndërtimtarisë, tregtisë dhe prodhimit në Gjermani punësojnë pjesën më të madhe të kosovarëve që...
-
Mërgimtarët kosovarë mund të regjistrohen për të votuar deri më 26 dhjetor 2024
-
Kurti pritet të takohet me mërgatën në Gjermani
-
Uta Ibrahimi, edhe me një sukses tjetër historik
-
Ja kur nis regjistrimi i diasporës si votues në zgjedhjet në Shqipëri
Jeta në Zvicër
-
Mallrat thelbësore që qeveria zvicerane thotë se duhet t’i “rezervoni” në vitin 2024 Ju ndoshta keni një stok të disa mallrave thelbësore në shtëpinë tuaj, por ka të ngjarë...
-
Zvicër: Katër nga dhjetë banorë të moshës 15 vjeç e lart kanë një sfond migrimi
-
Normat fikse të hipotekave dhjetëvjeçare zvicerane janë përgjysmuar që nga kulmi i vitit 2022
-
Punonjësit zviceranë pesimistë për pagat e vitit 2025
-
Lojtari i Zvicrës pyetet a do të jetë bodigard i Xhakës nëse paraqitet nevoja