Shqipëria
Shqipëria, mes 12 vendeve më të lira për t’i vizituar në Evropë
“Restless” e ka renditur Shqipërinë mes 12 vendeve më të lira për t’u vizituar në Evropë
Udhëtimi mund të jetë i shtrenjtë, por nëse zgjidhni destinacionin tuaj me kujdes, mund të jetë më i përballueshëm nga sa mund të mendoni, shkruan Selene Nelson në një artikull të botuar në të përditshmen britanike ‘Restless”.
Ka shumë vende të mrekullueshme me kosto efektive për t’u eksploruar – shumë prej të cilave janë pikërisht në Evropë, transmeton albinfo.ch.
Si një nga kontinentet më të larmishme – nga gjuha te gjeografia te kultura – kënaqësitë dhe hijeshitë e Evropës janë të famshme në mbarë botën.
Nuk është çudi që Evropa përbën më shumë se gjysmën e gjithë turizmit ndërkombëtar!
Ndërsa vende si Franca, Spanja dhe Italia janë disa nga destinacionet më të njohura për t’u vizituar, ato nuk janë aspak të lira.
Por, ju mund të shijoni pushime po aq magjike në vende të tjera evropiane, me kosto më efektive.
Nga plazhet e pacenuara me rërë të Shqipërisë te malet e thyer dhe liqenet e shndritshme të Sllovenisë – për të mos përmendur qytetet dhe qytezat e shumta të bukura në gjithë Evropën Lindore – ky kontinent është i mbushur me vende të bukura që presin të eksplorohen me një buxhet të përballueshëm.
“Restless” e ka renditur Shqipërinë mes 12 vendeve më të lira për t’u vizituar në Evropë.
Shqipëria
E izoluar nga pjesa tjetër e kontinentit përgjatë shekullit XX, Shqipëria ka qenë prej kohësh një nga sekretet e ruajtura më së miri të Evropës.
Sot dyert e saj janë të hapura dhe shumë shpejt vendi do të mbipopullohet nga turistët dhe bukuritë e Shqipërisë do të bëhen më të njohura. Përpara se Shqipëria të preket nga turmat masive, zbuloni këtë vend jashtëzakonisht të larmishëm dhe një nga enigmat më të mëdha të kontinentit.
Vija bregdetare gjarpëruese, e quajtur Riviera Shqiptare është e mbushur me plazhe ëndërrimtare me ujëra në ngjyrë blu të thellë dhe vendpushime magjepsëse, si Dhërmiu dhe Ksamili.
Akomodimi, ushqimi dhe udhëtimi janë mjaft të lira.
Në brendësi të vendit, do të gjeni male të larta, qytete kala, kështjella të rrënuara dhe rrënoja të panumërta të lashta greke dhe romake.
Nëse jeni një adhurues i historisë, aventurave apo i apasionuar pas plazhit, Shqipëria ofron gjithçka për të gjithë.
Kryeqyteti i gjallë, Tirana, është një vend i shkëlqyer për të eksploruar pjesën tjetër të Shqipërisë dhe është një nga qytetet më të përballueshme në Evropë.
Për t’ju frymëzuar, ne ju rekomandojmë 12 vendet më të lira për t’u vizituar në Evropë:
- Shqipëria
- Rumania
- Republika Çeke
- Mali i Zi
- Hungaria
- Portugalia
- Polonia
- Sllovakia
- Bosnjë e Hercegovina
- Sllovenia
- Estonia
- Bullgaria.
E-Diaspora
-
Restoranti shqiptar “Illyria Grill” rikthehet në Schafisheim AG Pronari i restorantit, Musa Komani, nga Gjakova tregon për albinfo.ch se si ka marrë guximin të...
-
Kërkohej nga Italia si trafikant droge, kapet në Durrës 41-vjeçari shqiptar
-
Daily Telegraph: 1 në 50 shqiptarë në Angli është në burg
-
Kanada
Një serial i ri amerikan me aktoren shqiptare Lyra Xhoci
-
Naim Dina u zgjodh asamblist në qytetin Renens të Kantonit Vaud
Jeta në Zvicër
-
Mbledhësit zviceranë të kërpudhave përballen me mungesë të antidotit helmues Mungesa aktuale e antidotit që përdoret për të trajtuar helmimin nga kërpudhat është problematike. Tox Info...
-
Virusi i tërbimit është zbuluar te një lakuriq nate në Zvicër
-
Lajmet më të rëndësishme zvicerane për sot
-
Rusia ka hapur çështje penale kundër gazetarit zviceran për kalimin e kufirit të Kurskut
-
Zvicër: Festivali humb para për shkak të birrës falas