Shqipëria
Kaos para Kuvendit të Shqipërisë
Opozita në Shqipëri e nisi këtë të enjte me një aksion, pas përjashtimit nga Kuvendi të shumicës prej tyre.
Tensioni, përleshja dhe flakët mbizotëruan kësaj radhe vetëm në oborrin e Kuvendit, ndryshe nga e hëna, ku përplasjet nisën që në sallë.
Deputetët e Partisë Demokratike mbërritën këtë mëngjes në ambientet e Kuvendit, një orë para se të niste seanca plenare.
Ata u përballën me Gardën e Republikës, që qëndronte përballë hyrjes kryesore, por edhe në hyrjet e tjera të Kuvendit. Ndërsa, dyert anësore ishin mbyllur me dry.
Megjithatë, deputetët e opozitës tentuan të hyjnë me forcë në sallën e Parlamentit, por pasi dështuan me këtë plan, u përpoqën që të mos hyjnë brenda as kolegët e tyre socialistë.
Në ato çaste, pati përplasje të forta mes opozitës dhe mazhorancës. Megjithatë, socialistët ia dolën të hyjnë në Parlament për të zhvilluar seancën plenare që zgjati jo më shumë se 30 minuta.
Pas tensioneve dhe përplasjeve me Gardën dhe mazhorancën, opozita ka vendosur manekinet me fytyrën e kryeministrit Edi Rama, vëllait të tij, Olsi Rama, ish-ministrit Fatmir Xhafaj dhe vëllait të tij, Geron Xhafaj.
Deputeti Flamur Noka i ka lyer me benzinë dhe më pas u ka vënë flakën së bashku me Bledjon Nallbatin.
Sekretariati i Etikës përjashtoi Flamur Nokën, Gazment Bardhin dhe Bledjon Nallbatin me 60 ditë nga punimet e Kuvendit, ndërsa Edi Palokën me 10 ditë. Ndërkohë 20 deputetët e tjerë u përjashtuan me 40 ditë.
Vendimi erdhi pas kërkesës së grupit parlamentar të PS-së për marrjen e masës disiplinore për 24 deputetë të PD-së, pas kaosit të shkaktuar në Kuvend ditën e hënë, dhe djegien e karrigeve.
E-Diaspora
-
Naim Dina u zgjodh asamblist në qytetin Renens të Kantonit Vaud "Ju informoj se jam zgjedhur këshilltar komunal në grupin e këshilltarëve të Partisë Socialiste", shkruan ai...
-
Presidentja Osmani takoi mërgatën në Francë
-
Vjenë: Shqiptarja tregon historinë e saj frymëzuese
-
Berlin: Shija dhe cilësia e produkteve shqiptare u komentua pozitivisht në Festivalin Mbarëkombëtar të Gastronomisë
-
51 kompani nga Kosova u prezantuan në panairin e gastronomisë shqiptare në Berlin
Jeta në Zvicër
-
Raportohet një vjedhje e çuditshme në Zvicër Një fermer delesh në kantonin Aargau po kruan kokën pas një krimi shumë të çuditshëm. Michael...
-
Zvicër: çmimi i benzinës, më i ulëti në tri vitet e fundit
-
Muriel qëndroi e lënduar për më shumë se një orë
-
Studimi në Universitetin e Friburgut: Puna është e keqe për shëndetin tuaj
-
Rritet shkalla e papunësisë në Zvicër