Lajme
Performanca “Boji – In the State of Fire and Miracles”, edhe në gjuhën shqipe
Lucern: Të martën, më 15 tetor teksti i performancës në gjuhën shqipe interpretohet nga aktorja e njohur shqiptare-zvicerane Albana Agaj
Performanca “Boji – In the State of Fire and Miracles” (ka fituar çmimin e Teatrit të Gracit “Grazer Rüssel”) është një fabulë universale që merret me prezantimin dhe propagandën, transmeton albinfo.ch njoftimin nga organizatori i shfaqjes në Lucern.
Në një instalacion, historia e vërtetë e një qeni në Instagram bëhet fiksion dokumentar – duke përdorur me këtë rast objekte të gjetura, fragmente, tinguj, muzikë dhe jashtëqitjet e qenit.
Së bashku me muzikanten e jashtëzakonshme, Anna Anderluh, dhe interpretues që ndërrohen çdo natë sipas gjuhëve që interpretojnë, regjisori Franz von Strolchen zhvillon një formë hibride të artit pamor, koncertit, performancës live, videove dhe dizajnit të tingullit gjatë dy mbrëmjeve në teatrin Neubad.
Historia e Bojit flitet në çdo shfaqje – gjithashtu live – nga një aktore e ndryshme në gjuhën e saj amtare dhe e përkthyer në gjermanisht me mbititra. Në këtë mënyrë, temës së përhapur të propagandës i jepet një sfond (gjoja) i ndryshëm në çdo shfaqje individuale përmes gjuhëve më të ndryshme të botës.
Edhe nëse aktorët tregojnë të njëjtën histori pa pushim, asnjëra shfaqje nuk është e njëjtë me shfaqjen e mbrëmjes tjetër.
Të martën, më 15 tetor, teksti i performancës në gjuhën shqipe interpretohet nga aktorja e njohur shqiptare-zvicerane Albana Agaj. Më 16 tetor, interpretimi në turqishte, nga Selin Dettwiler.
Shfaqjet fillojnë në orën 20, ndërsa hapja e dyerve bëhet në orën 19.45. Biletat: 25 (çmimi i rregullt) respektivisht 15 franga (çmimi i zbritur).
Neubad, Bireggstrasse 36, Lucerne
E-Diaspora
-
Presidentja Osmani takoi mërgatën në Francë Dje, presidentja Vjosa Osmani takoi mërgatën shqiptare në Francë, përcjell albinfo.ch. Në fjalën e saj, Presidentja...
-
Vjenë: Shqiptarja tregon historinë e saj frymëzuese
-
Berlin: Shija dhe cilësia e produkteve shqiptare u komentua pozitivisht në Festivalin Mbarëkombëtar të Gastronomisë
-
51 kompani nga Kosova u prezantuan në panairin e gastronomisë shqiptare në Berlin
-
Thyhet xhamia shqiptare në Grenchen: Vidhen para dhe dëmtohet prona
Jeta në Zvicër
-
Shaqiri nderohet nga Zvicra për karrierën e lavdishme Ceremonia përshëndetëse, Shaqirit i organizohet para ndeshjes të cilën Zvicra do ta zhvilloj në St. Gallen...
-
Ftohen katër shqiptarë te Zvicra U21
-
Yakin thotë se nuk është opsion mosparaqitja e Xhakës në Serbi
-
Norma e inflacionit zviceran bie në nivelin më të ulët të tre vjetëve
-
Çfarë konsiderohet një pagë e mirë në Lozanë për punëtorët ndërkombëtarë?