Lajme
Tensionet në Lindjen e Mesme çrregullojnë disa linja ajrore
Tensionet e shtuara në Lindjen e Mesme kanë shkaktuar kaos të udhëtimeve ajrore. Linjat ajrore globale dhe rajonale devijuan ose anuluan fluturimet të mërkurën, duke përfshirë Libanin, Izraelin dhe Kuvajtin, ku ka pasur vonesa të gjata, sipas të dhënave të platformës për monitorim të fluturimeve “FlightRadar24”.
Irani nisi sulmin më të madh raketor kundër Izraelit të martën si hakmarrje për fushatën e Izraelit kundër Hezbollahut në Liban dhe Gaza, duke shkaktuar reagim nga Izraeli për kundërpërgjigje.
Të mërkurën ka pasur disa fluturime mbi hapësirën ajrore të Iranit, sipas hartës së “FlightRadar24”, duke përfshirë disa nga transportuesit “flyDubai”, pasi Irani ka lajmëruar se sulmi me raketa balistike ndaj Izraelit kishte përfunduar.
Megjithatë, fluturimet në gjithë rajonin u devijuan ose u ndërprenë me pak shenja të normalizimit. Disa i ndryshuan rrugët për t’i shmangur hapësirat e caktuara ajrore.
“Të gjithë avionët – kryesisht fluturimet për në Indi – po e shmangin hapësirën ajrore iraniane deri në njoftimet e mëtejshme”, tha një zëdhënës i transportuesit polak LOT.
Transportuesit në mbarë botën kanë anuluar fluturimet për në Izrael dhe Liban pas përshkallëzimit të konfliktit. Ka raportime se nuk do të ketë fluturime nga disa kompani deri nga mesi i tetorit, në varësi të situatës së sigurisë.
Trafiku ajror mbi qendrat e Stambollit, Kajros dhe Antalias mbeti i dendur pasi fluturimet vazhduan t’i shmangnin pjesët e hapësirës ajrore të Lindjes së Mesme.
Aeroporti Ndërkombëtar i Dubait raportoi se 85 për qind e fluturimeve që niseshin nga aty janë vonuar, ndërsa Aeroporti Ndërkombëtar “Rafic Hariri” i Bejrutit i kishte 60 për qind të fluturimeve të anuluara, sipas gjurmuesit të linjës ajrore.
Në Aeroportin Ndërkombëtar të Kuvajtit, 67 për qind e fluturimeve që mbërrinin janë vonuar.
Të tjera nga Lajme
E-Diaspora
-
Në Berlin filloi Festivali Global Shqiptar i Gastronomisë Në Berlin të mërkurën hapi dyert Festivali Global Shqiptar i Gastronomisë, ku ishte e ftuar speciale...
-
Mërgimtari nga Holanda që po ndihmon kafshët e braktisura në Kosovë
-
Ekspozitë nga koleksioni etnografik i Kristian Zefit, në Rothrist
-
Austri
Kur do të kemi edhe ne një deputet në Parlamentin austriak?
-
Shkolla shqipe hap dyert për herë të parë në Hanau të Gjermanisë
Jeta në Zvicër
-
Paratë e gatshme po përdoren më pak, por zviceranët nuk heqin dorë Në fakt, dy në tre persona janë kundër një shoqërie pa monedha dhe kartëmonedha...
-
Zvicër: Nuk ka subvencion për trenat e natës
-
Ku janë vendet më të lira për të jetuar në Zvicër më 2024?
-
Çfarë dihet për studentin kinez që goditi me thikë fëmijët në Cyrih
-
Në Federatën zvicerane flasin për portierin e përfaqësueses së Kosovës