Kosova
“Greenhouse” fillon zgjerimin e kapaciteteve, synohet të prodhohet një shtëpi e gjysmë në ditë

“Greenhouse SH.P.K” ka bërë një hap të rëndësishëm drejt zhvillimit të mëtejshëm, duke filluar ndërtimin e një halle të re prodhimi me sipërfaqe prej 10,400 m². Në këtë hapësirë të re do të instalohen makineritë më moderne dhe të avancuara për prodhimin e shtëpive të parafabrikuara me skelet prej druri, duke garantuar cilësi dhe efikasitet të lartë në procesin e ndërtimit.
Me këto kapacitete, “Greenhouse SH.P.K” synon të prodhojë 1.5 shtëpi në ditë, duke siguruar kështu një rritje të konsiderueshme në prodhimin ditor dhe përmbushjen e kërkesave në tregun vendor dhe ndërkombëtar.
Ky investim do të krijojë gjithashtu rreth 50 vende pune shtesë, duke kontribuar në zhvillimin ekonomik të komunitetit dhe industrisë së ndërtimit në Kosovë, transmeton albinfo.ch.
Ky projekt ambicioz shënon një pikë kthese për këtë kompani, duke e pozicionuar atë lider në prodhimin e shtëpive të parafabrikuara me skelet prej druri dhe duke vendosur standarde të reja në industrinë e ndërtimit.
Themeluesi dhe bashkëpronari i kompanisë, Nazmi Mehmetaj, pati deklaruar për albinfo.ch se puna e “Greenhouse” ka filluar në vitin 2015 dhe është themeluar si rezultat i kërkesave të klientëve, kryesisht zviceranë, por edhe të vendeve të tjera të BE-së dhe më gjerë, me të cilët, si afaristë kanë pasur kontakte.
Sa u përket kompanive të kosovarëve në Zvicër, Mehmetaj ka theksuar se kanë raporte shumë të mira bashkëpunimi.
“Sidomos me kompanitë e sektorit të ndërtimit, me të cilat na lidh interesi i përbashkët, sepse koncepti ynë për zhvillim të qëndrueshëm si “Greenhouse” është që të krijojmë partneritete të shëndosha në vend të konkurrencës së lig”, ka thënë ai.
E-Diaspora
-
Vazhdon mësimi plotësues në gjuhën shqipe në Gjermani Këshilli i arsimtarëve shqiptarë, 5 dekada në shërbim të gjuhës shqipe...
-
Leonard Ferati reagon ndaj debatit për votimin komunitar: “Është demokraci lokale, jo sistem i organizuar”
-
Çka duhet të dini para se të bleni një shtëpi në Zvicër?
-
Shkel linjën e sigurisë dhe nget makinën me patentë kosovare: Gjobitet kosovarja
-
Itali: Studentët nga universiteti “La Sapienza” bëjnë homazhe për shqiptaren e vrarë
Jeta në Zvicër
-
70% e arit në botë kalon përmes Zvicrës Zvicranët më të interesuarit për të blerë ari ...
-
Coop dhe Migros ngjiten në renditjen botërore të supermarketeve
-
ETH Cyrih refuzon të plotësojë pyetësorin e qeverisë amerikane
-
Sektori farmaceutik zviceran përballet me pasiguri pas kërcënimit të taksave të reja amerikane
-
Ky aeroport në Zvicër rrezikon mbylljen për shkak të shkurtimeve në kontrollin e trafikut ajror