Lajme
Shqipëria ofron tekste falas për nxënësit e Nürnbergut
Konsullja e Përgjithshme e Shqipërisë në Gjermani, Gentiana Mburimi, mori pjesë në takimin e radhës të këshillit organizativ me mësueset e mësimit plotësues të gjuhës shqipe të Nürnbergut dhe rrethinave, të cilët veprojnë në kuadër të Lidhjes së Arsimtarëve dhe Prindërve Shqiptarë (LAPSH) në Bavari.
Mburimi falënderoi shkollën e Nürnbergut për mikpritjen e përzemërt dhe u garantoi mbështetjen dhe përkrahjen për mësimin plotësues të gjuhës shqipe, në një punë të përbashkët me Konsullatën e Përgjithshme të Kosovës në Mynih.
Mburimi ndau tekstet mësimore për nxënësit e kësaj pjese të Bavarisë, dhuratë e qeverisë shqiptare.
Në takim koordinatori i mësimit plotësues për Nürnberg-un dhe rrethinat, Selim Hoti, falënderoi grupin organizativ të mësimit plotësues të gjuhës shqipe për Nürnbergun dhe mësueset për punën dhe angazhimin e tyre në ketë mision, sa të shenjtë, aq human dhe kombëtar.
Nënkryetari i LAPSH-it, Xhymshit Tafa, foli rreth organizimit dhe fillimit të vitit të ri shkollor 2024-25 në Bavari.
Armend Ismajli, kryetar i Këshillit të Prindërve për Nürnberg, në fjalën e tij u përqendrua rreth sfidave që përcjell mësimi plotësues në gjuhën shqipe, si dhe u bëri thirrje prindërve të dërgojnë fëmijët në shkollën shqipe, sepse sipas tij, “gjuha ruhet, vetëm aty ku shkruhet”.
Gjithashtu mësueset folën rreth fillimit të vitit të ri shkollor 2024-25 dhe shprehën dëshirën që numri i nxënësve të rritet nëpër klasa.
Në takim mori pjesë edhe kryetari i shkollave shqipe për Hessen-in, i cili foli rreth organizimit të mësimit plotësues të gjuhës shqipe dhe shprehu gatishmërinë për bashkëpunim dhe shkëmbim përvojash te mësimdhënësit.
E-Diaspora
-
Gzim Rama zgjidhet në ekzekutivin e Komunës Moudon “Më 22 shtator jam votuar si drejtor në qeverinë lokale në ekzekutivin e Komunës Moudon", thotë...
-
Genta Gola, këshilltare për Evropën në International IDEA me bazë në Stokholm
-
Shqiptarja ‘pushton’ skenën, lë pa fjalë jurinë e ‘X Factor’ në Itali
-
Turneu në futboll i shkollave shqipe të Zvicrës kthehet në festë madhështore
-
Kurti takon përfaqësuesit e shoqatave të diasporës në Venecia
Jeta në Zvicër
-
Zviceranët janë të pasur, por amerikanët më të pasur Çdo amerikan ka mesatarisht 260 mijë euro, duke kaluar Zvicrën, e cila ndalon në 255,000 euro...
-
Zvicër: A duhet të hartohen vendndodhjet e kamerave të shpejtësisë?
-
Shpresa për ‘ditët e fundit të verës’ në Zvicër
-
Çfarë duhet të dini për vdekjen e asistuar në Zvicër?
-
Qeveria në Vaud synon të ulë taksat për të rritur fuqinë blerëse