Kosova
Kryetarja e Preshevës reagon pas paralajmërimit të kthimit të shërbimit të detyrueshëm ushtarak në Serbi
Kryetarja e Preshevës, Ardita Sinani, ka deklaruar se shërbimi ushtarak i detyrueshëm në Serbi e rrezikon paqen dhe sigurinë në rajon.
Sipas saj në vitet e ’90-ta kur regjimi i Millosheviqit synonte shtypjen dhe përndjekjen e shqiptarëve, të rinjtë u detyruan të largoheshin në mënyrë masive për t’i shpëtuar shërbimit ushtarak dhe represionit.
“Kanë kaluar pothuajse 30 vite që nga shpërbërja e Jugosllavisë, por shqiptarët e Luginës së Preshevës ende mbeten të cenueshëm nga politikat diskriminuese të Beogradit. Sot, historia rrezikon të përsëritet. Rikthimi i shërbimit ushtarak të detyrueshëm do të çojë sërish në shpërngulje masive të të rinjve shqiptarë nga Lugina e Preshevës. Djemtë tanë, sapo mbushin 18 vjeç, detyrohen të largohen për të mos shërbyer në një ushtri që nuk i përfaqëson ata, në një shtet që vazhdimisht i diskriminon”, ka shkruar ajo.
Sipas saj, Serbia nuk përballet me ndonjë kërcënim nga fqinjtë e saj, por përkundrazi, siç tha ajo, ngjarjet e 24 shtatorit në Banjskë treguan se teksa flitet për paqe në Bruksel, Serbia planifikon destabilizimin dhe aneksimin e veriut, transmeton albinfo.ch.
“Kërcënimi i vërtetë për paqen dhe stabilitetin e rajonit vjen pikërisht nga vetë Serbia! Rajoni ynë ka nevojë për paqe, zhvillim dhe të ardhme të sigurt për të rinjtë tanë. Por, për fat të keq, Serbia e Vuçiqit vazhdon të tregojë se nuk ka asnjë vullnet për normalizim dhe stabilitet. Shqiptarët e Luginës së Preshevës duan paqe, jo tensione! Rajoni ka nevojë për progres, jo për konflikte të reja”, u shpreh ajo.
Të tjera nga Kosova
E-Diaspora
-
Shqiptarja, gjyqtarja kryesore në ndeshjen e femrave mes Sporting CP-Real Madrid në UEFA Gjyqtarja shqiptare e futbollit, Emanuele Rusta ka bërë të ditur se sot do të jetë gjyqtare...
-
Në Offenbach, hapet shkolla e dytë për mësim plotësues në gjuhën shqipe
-
Shkolla Shqipe, pjesë e festës së qytetit të Tuttlingenit në Gjermani
-
Gjermani: Nis njëra prej ngjarjeve më të mëdha të këndimit, Loredana, pjesë e jurisë
-
Shqiptarja, një pianiste dhe pedagoge e shquar e pianos në Bernë
Jeta në Zvicër
-
Berset merr detyrën si Sekretar i Përgjithshëm i Këshillit të Evropës Ish-këshilltari federal, Alain Berset, u zgjodh Sekretar i Përgjithshëm nga Asambleja Parlamentare e Këshillit të Evropës...
-
Pas skandalit të nënshkrimeve të rreme, gjashtë palë bëjnë thirrje për grumbullim dixhital të nënshkrimeve
-
Gjobat e papaguara të parkimit u kushtojnë shumë komuniteteve
-
Këshilli Kombëtar dëshiron të forcojë rregullat e sigurisë në qendrat e azilit
-
A mund të kërkoni përfitime papunësie në Zvicër nëse e lini punën?