Kosova
Bislimi: Ura e Ibrit duhet të hapet pa vonesa dhe pa pengesa të mëtejme
Zëvendëskryeministri Besnik Bislimi i ka bërë të qartë emisarit të Bashkimit Evropian për dialogun, Miroslav Lajçak, se Ura e Ibrit duhet të hapet pa vonesa dhe pa pengesa të mëtejme, ashtu siç është rënë dakord në Bruksel.
Qeveria e Kosovës tash e disa muaj ka njoftuar për planet që Ura e Ibrit të hapet edhe për transport. Ndërkombëtarët e kanë kundërshtuar një plan të tillë.
Por Bislimi në takim me Lajçakun të premten në Prishtinë ka thënë se ura kryesore e Mitrovicës duhet të hapet edhe sipas vetë konkluzionit të Komisionit Evropian të vitit 2020.
“Zëvendëskryeministri Bislimi theksoi se hapja e urës kryesore të Mitrovicës mbi Ibër është çështje e trajtuar dhe dakorduar në Bruksel, në kuadër të procesit të dialogut të ndërmjetësuar nga Bashkimi Evropian dhe se ajo duhet të hapet sipas marrëveshjes ekzistuese dhe konkluzioneve të vetë raportit të Komisionit Evropian të vitit 2020, që vlerëson se punimet në urë kanë përfunduar dhe ajo duhet të hapet pa vonesa dhe pa pengesa të mëtejme”, thuhet në njoftimin e Kryeministrisë për takimin.
Emisari Lajçak ka thënë se qëndrimi i BE-së është që ura të hapet, por në koordinim me partnerët ndërkombëtarë.
Bislimi ka përsëritur se nënshkrimi i marrëveshjes është e vetmja garanci për zbatim nga Serbia.
“Ai nënvizoi se Qeveria së Republikës së Kosovës në vazhdimësi është angazhuar si palë konstruktive në dialog. Si e tillë ajo mbetet e përkushtuar për zbatim të plotë e të pakushtëzuar të Marrëveshjes Bazike dhe Aneksit dhe e bindur që nënshkrimi i saj është garanci e duhur dhe e nevojshme për zbatimin e plotë nga Serbia dhe llogaridhënien për shkeljet e vazhdueshme prej saj”, vijon njoftimi.
E-Diaspora
-
Sylë Mujaj, ekspozitë në Paradiso (Lugano): Arti që kalon kufijtë kombëtarë Pjesëmarrësit, duke përfshirë autoritetet e Kosovës dhe Zvicrës, vlerësuan nivelin e lartë të ekspozitës dhe rëndësinë...
-
Libri mbi Luftën e Kosovës, në Panairin e Librit në Frankfurt 2024
-
Shoqata “Sytë Kërkojnë Dritë” organizoi mbrëmje humanitare për Festivalin e Aftësisë së Kufizuar
-
Shqiptarja, gjyqtarja kryesore në ndeshjen e femrave mes Sporting CP-Real Madrid në UEFA
-
Në Offenbach, hapet shkolla e dytë për mësim plotësues në gjuhën shqipe
Jeta në Zvicër
-
Gjithçka që ndryshon në Zvicër gjatë tetorit Ligji i ri për vendbanimet dytësore dhe primet më të larta të sigurimit shëndetësor janë ndër...
-
Zvicër: Rriten kërkesa për shtëpi për një familje
-
Protesta simbolike e mjekëve të Gjenevës, pse ndodhi
-
Për herë të parë, Zvicra ka zyrtarisht nëntë milionë banorë
-
Leja e zgjatur prindërore në Gjenevës është pezulluar nga Parlamenti