Futboll
Trajneri i Kosovës optimist para dueleve në Ligën e Kombeve
“Edhe pse në ndeshjet e kaluara nuk kemi shënuar shumë gola, tani kemi në dispozicion lojtarë si Muriqi, Rrahmani, Zhegrova dhe Asllani, të cilët kanë shkëlqyer me klubet e tyre dhe shpresojmë që këtë formë ta sjellin edhe në kombëtare”, tha Foda
Përzgjedhësi i Kosovës, Franco Foda, në konferencën e tij të parë për shtyp para fillimit të edicionit të ri të Ligës së Kombeve, theksoi se ekipi dardan është i motivuar dhe në formë të jashtëzakonshme për ndeshjen e parë kundër Rumanisë.
“Jemi shumë të motivuar dhe të lumtur për ndeshjen e parë në shtëpi. Të gjithë lojtarët janë në formë jashtëzakonisht të mirë, dhe kjo na jep shumë mundësi për të zgjedhur formacionin më të mirë. Edhe pse në ndeshjet e kaluara nuk kemi shënuar shumë gola, tani kemi në dispozicion lojtarë si Muriqi, Rrahmani, Zhegrova dhe Asllani, të cilët kanë shkëlqyer me klubet e tyre dhe shpresojmë që këtë formë ta sjellin edhe në kombëtare”, tha Foda, raporton FFK, transmeton albinfo.ch.
Duke folur për talentet e rinj të grumbulluar në kombëtare, Foda theksoi potencialin e Eliot Bujupit dhe Albion Rrahmanit. “Eliot Bujupi është një lojtar i ri, por me aftësi të jashtëzakonshme për shënimin e golave. E kemi ndjekur nga afër dhe ai ka treguar lojëra të shkëlqyera në dy ndeshje. Për këtë arsye e kemi ftuar që të jetë pjesë e ekipit dhe të përshtatet” tha ai.
“Albioni është një lojtar shumë i talentuar. Ai ka bërë një hap të rëndësishëm në karrierën e tij duke kaluar te Sparta Praga dhe tani është momenti që të dëshmojë vlerat e tij edhe në kombëtare”, shtoi Foda.
Sa i përket formacionit për ndeshjen kundër Rumanisë, Foda u shpreh se do të jetë fleksibil duke pasur parasysh aftësitë dhe formën e lojtarëve. “Kemi shumë opsione në ofensivë, duke përfshirë Muriqin, Asllanin, Bujupin, Albionin dhe Rashicën. Gjithçka do të varet nga stërvitjet e ardhshme dhe se si do të paraqiten lojtarët,” tha ai.
Në lidhje me objektivat e ekipit, Foda nuk ngurroi të thotë se qëllimi është fitimi i grupit: “Qëllimi ynë kryesor është të fitojmë ndeshjen e parë. Sigurisht, dëshirojmë të jemi favoritë dhe të fitojmë çdo ndeshje për të përfunduar të parët në grup”, tha ai.
Dardanët do të luajnë kundër Rumanisë dhe Qipros, më 6, respektivisht 9 shtator.
Kosova është pjesë e Grupit 2 në Ligën C, ku përpos Rumanisë e Qipros do të përballet edhe me Lituaninë.
E-Diaspora
-
Shqiptarja, një pianiste dhe pedagoge e shquar e pianos në Bernë Eni Dibra Hoffmann ka lindur në një familje të shquar artistësh, me një trashëgimi të pasur...
-
Stilistja shqiptare Nensi Dojaka bashkëpunon me Calvin Klein
-
Kryetarja e Qeverisë së Kantonit të Cyrihut pret ambasadorin Latifi
-
Swissalbs, tani edhe në Bernë: E nis me një debat mbi politikat e banimit
-
Edicioni i pestë, një dëshmi e qartë për rritjen e festivalit “Kino Kosova”
Jeta në Zvicër
-
Pas skandalit të nënshkrimeve të rreme, gjashtë palë bëjnë thirrje për grumbullim dixhital të nënshkrimeve Dyshimet për mashtrim që dyshohet se ndodhën gjatë mbledhjeve të fundit të nënshkrimeve për iniciativa ose...
-
Gjobat e papaguara të parkimit u kushtojnë shumë komuniteteve
-
Këshilli Kombëtar dëshiron të forcojë rregullat e sigurisë në qendrat e azilit
-
A mund të kërkoni përfitime papunësie në Zvicër nëse e lini punën?
-
Cila është mënyra më e mirë për të sjellë një prind të moshuar në Zvicër?