Kosova
Gjakova, nikoqire e festivalit “Gjakova Summer Fest”
Kalendarin e ngjarjeve kulturore që zhvillohen në Gjakovë, tash e një vit e ka pasuruar edhe festivali “Gjakova Summer Fest”, festival ky i cili si synim ka të ruajë pasqyrën e vërtetë të kulturës gjakovare.
Sindorela Doli – Kryeziu, organizatore e këtij festivali, në një intervistë për Telegrafin shpalosi edhe programin kulturo-artistik që do të përmbajë ky festival.
“Këtë vit është edicioni i dytë i festivalit që është paraparë të zhvillohet gjatë 3 netëve, më 23, 24 dhe 25 gusht. Më datë 23 gusht do të performojë Shkelzen Doli me ansamblin e tij, dhe me mysafirë të ftuar që janë jo vetëm nga Gjakova, por kemi edhe nga Shqipëria”, tha fillimisht Doli – Kryeziu.
Doli – Kryeziu po ashtu ceku edhe programin e natës së dytë të festivalit, natë kjo që u dedikohet të rinjve.
“Nata e dytë sikur vitin që shkoi është ndryshe nata e të rinjve, ku do të performojë DJ Rroni, do jetë i ftuar edhe këngëtari ynë i njohur, Valon Shehu, si dhe këngëtari Ndriçim Gazija”, shtoi tutje ajo, shkruan Telegrafi.
Ndërsa, Parku Kulturor “Ali Podrimja” do të jetë vendi ku do të mbyllet edicioni dytë i Festivalit “Gjakova Summer Fest”.
“Natën e tretë do të jetë një ndryshim nga dy netët e para. Ne e dimë që Gjakova shquhet për kulturën për artin, dhe normalisht që letërsia futet tek pjesa e kulturës sonë gjakovare dhe ne e kishim shumë për zemër të bënim një simpozium shkencor dhe letrar poetik që do t’i kushtohet poetit Ali Podrimja, dhe që do të zhvillohet në Parkun Kulturor ‘Ali Podrimja’”, tha ndër të tjera Doli – Kryeziu.
E-Diaspora
-
Kryetarja e Qeverisë së Kantonit të Cyrihut pret ambasadorin Latifi Në pritje, krahas saj ka qenë i pranishëm edhe sekretari i përgjithshëm në drejtorinë e shëndetësisë...
-
Swissalbs, tani edhe në Bernë: E nis me një debat mbi politikat e banimit
-
Edicioni i pestë, një dëshmi e qartë për rritjen e festivalit “Kino Kosova”
-
Ardian Gega mbajti koncert në qytetin Leipzig
-
I riu shqiptar pranohet si hulumtues shkencor në Imperial College London
Jeta në Zvicër
-
Kryetarja e Qeverisë së Kantonit të Cyrihut pret ambasadorin Latifi Në pritje, krahas saj ka qenë i pranishëm edhe sekretari i përgjithshëm në drejtorinë e shëndetësisë...
-
Shumë njerëz në Bazel po aplikojnë për pasaportë zvicerane
-
Ish-futbollisti i njohur mund të dëbohet nga banesa e tij në Zvicër
-
Konfederata po rinis fushatën e saj të vaksinimit Covid-19 për njerëzit në rrezik
-
440 franga për person, propozimi për SNB për shpërndarjen e fitimeve për popullsinë